Kinders, hoeveel mag ons?

Bylas tot inskrywing (Junie 2009): Agterna het ek besef hoe selfgesentreerd en selfbejammerend hierdie inskrywing is, en ek is half spyt dat ek dit geskryf het.  Ek het ook weer later besef dat my sussie opreg is, en net doodbekommerd oor my is.  Ek los egter die inskrywing hier, want dit is hoe ek dit op daardie stadium ervaar het. – Annerkant

Hierdie is ‘n sensitiewe onderwerp.  Ek wil net ‘n paar gedagtes en ‘n ervaring wat ek gehad het hier deel, en dit eerder vir ander los om te sê wat hulle daarvan dink, as wat ek my sterk daaroor uit wil laat.  Ek het self nie kinders nie, en sal my nooit aanmatig om te probeer verstaan wat dit is om ‘n kind groot te maak nie, en wat die verantwoordelikheid is wat daarmee saam gaan nie.  ( Seker hoekom ek besluit het om nie kinders te hê nie!🙂 ) 

In my gedagtes was kinders nog altyd vir my klein grootmensies wat maar net aan ‘n mens “geleen” word om hulle groot te maak.   Hierdie grootmaak moet met omsigtigheid geskied, want op die ou end is ‘n mens se eie waarde stelsels en wêreldaanskouing nie noodwendig die enigste “reg” wat bestaan nie, en hoeveel daarvan mag, of moet jy vir ‘n kind inprent?  Om dit erger te maak, het ek nou die dag (in ‘n onbetroubare bron, neem dit dus met ‘n knipppie sout!) gelees dat ‘n mens se waardestelsels en geloof oor jouself en jou omgewing grootliks in die eerste vyf jaar van jou lewe vas gelê word.  Hoe dit ook al sy, ek is seker wat jou brein in gekom het gedurende jou kinderjare het ‘n ongelooflike invloed op jou lewe.  (Dalk sluit dit aan by die “meme”-hipotese.)

Ek het nie regtig gedink om die insident hier te deel nie, maar toe skryf Andrew iets wat ‘n mens twee keer laat dink.  Ek haal hom aan: “I would however like to ask, that should you return to Christianity, that you seriously consider not imprinting any supernatural beliefs into the minds of your children, but rather teach them the value of critical thinking, reason, rationality and an open mind.  Even if we bring children into this world, we do not own their minds.”

As ek regtig ‘n christen was, of in ‘n ander godsdiens groot geword en dit aanvaar het, wonder ek of ek ooit eers my gedagtes in so ‘n rigting sou laat gaan.  Dit sou waarskynlik ‘n ongehoorde idee wees om nie my kind groot te maak om te glo waarin ek glo nie, want ek sou waarskynlik nie alternatiewe as beter, of selfs as aanvaarbaar kon beskou nie.  In teen deel, as iemand vir my sou sê ek mag nie my eie kind leer en onderrig in die geloof wat tot sy/haar redding sal wees nie, sou ek myself waarskynlik sommer dadelik vererg.

Nou wat het gebeur?  Jammer dat dit al weer oor christen-wees gaan, maar dit is regtig wat ek beleef het, en dit is tog ook deel van my stryd.  Ek dink ek het al genoem dat my een sussie en haar man sendelinge is.  Hulle het mekaar in Israel ontmoet, en beide het werklik tot bekering gekom, en hulle lewens is uitsluitlik toegewei aan hulle bediening en godsdiens, tot in die ekstreem wat my betref, maar ek is nie daar om hulle te beoordeel nie.  Hulle het ‘n dierbare klein dogtertjie van vier jaar oud.  Uiteraard probeer ek so ver as moontlik die onderwerp van godsdiens vermy, en sal nooit so iets met veral hulle dogtertjie bespreek nie.  Dit sal net nie reg wees nie.  Ongelukkig  moet ek bylas, as ek ‘n christen was, sou ek waarskynlik nie geskroom het om haar van Jesus te vertel nie, selfs al was haar ouers nie godsdienstig nie. ‘n Naweek gelede het hulle by ons gekuier.  Hulle dogtertjie hou nogal baie van my en op ‘n stadium het ons heerlik aan die gesels gegaan.  Sommer uit die bloute vra sy my toe of ek my bybel lees.  Dit was ‘n ongemaklike oomblik.  Ek glad nie daarvan om te jok nie, maar ek kan tog ook nie met haar daaroor gesels nie.  Ek sê toe vir haar ek lees my bybel ‘n bietjie, en dit was darem nie heeltemal ‘n leuen nie.  Hierop antwoord sy toe kordaat dat mamma sê dat ek lieg as ek sê ek lees die bybel.  Nou weet ek nie of my suster en iemand anders dit bespreek het,  en sy dit gehoor het, en of sy dit sommer vir die kleinding mee gedeel het nie.  Dit was vir my baie erg.  Hier het ek al die respek in die wêreld vir hulle, maar word so met minagting bespreek, en dan gebruik hulle nog die lelike woord “lieg” ook.  Ek het nie geweet wat ek moet doen nie.  Ek sê toe vir haar, ek lees eintlik die bybel baie min, seker daarom dat haar mamma dink ek jok.  Sy wou toe opsluit vir haar ma gaan sê dat sy verkeerd is.  Ek het die gesprek verander, en ek weet nie of sy toe daarna weer onthou het daarvan, en wat die gesprek tussen haar en my sussie sou wees nie.  Ai.  Dalk is ek maar net te gevoelig oor alles!

In perspektief gesien pla dit my nie geweldig nie, maar ek wonder partykeer hoekom ek so versigtig terug staan.  Regtig uit respek vir hulle oortuiginge, maar miskien ook omdat ek bang is hulle besluit om my uit hulle lewens uit te sny.

46 Responses

  1. Jy weet, ek is nou sommer op my perdjie hier. Jou sussie het jou met haar dogtertjie bespreek – en nie op ‘n baie nice manier nie, kom dit voor. Dis een ding wat my so grief van sg. “Christene” – hulle dink hulle mag oordeel asof hulle God is. As ma en suster sal ek nooit my broers met my kinders bespreek nie. Eerstens uit respek vir my broers, en tweedens wil ek nie my kinders belas met moontlik vooroordele wat ek het tov my broers nie. Dit was vir my nog altyd belangrik dat my kinders self moet besluit of hulle van iemand hou of nie.

    Andrew se ‘suggestion’ grens aan arrogant. Dit insinueer dat Christene in Lalaland lewe, wat allermins die geval is. As Christen is dit my plig om my kinders ook so te onderrig. Wat hul later daarmee doen, is vir hulle om te besluit. En dit het niks te doen met ‘owning their minds’ nie. Om hulle nie van my Godsdiens te leer nie, ontneem hulle ook van kennis.
    Ek weet gelukkig vir ‘n feit dat Andrew NIE al die kennis in pag het nie. Dalk, net dalk, is ‘ons’ Christene reg…

    Ek sou dit haat as my kinders in gevoellose, berekende skepseltjies verander, alles onder die mantel van ‘freethinking atheism’.

  2. Ek stem saam met boendoe. Ek en my susters het kinders, gelukkig kom ons almal en mekaar se kinders goed klaar. Kinders leer self deur die regte/goeie waardes wat aan hulle voorgehou word en maak besluite daarvolgens. So le my dogter se “los” boek op haar lessenaar ‘n paar dae gelede toe ek in haar kamer kom. (die “los” boek noem sy so omdat sy sommer net “los” gedagtes daarin skryf – nie ‘n dagboek nie) My oog vang ‘n mooi prentjie wat sy geteken het, tel dit op en lees ‘n stukkie daarby…waar sy toe se…(in kort) dat sy verkies om met die nefies aan my kant te kuier (sy’s die enigste dogter aan my kant!), want hulle het meer “common sense” as die aan my man se kant..lol! ek het nogal gesmile vir die “los gedagte” en dit was nogal vir my ‘n “eye opener” – ek het nog self nooit so aan die klomp gedink nie, want ek hou baie maklik van almal – natuurlik kommunikeer sy seker op ‘n ander vlak as ek met hulle – ek voel mens kies nie kant of maak op-en aanmerkings nie. Dit beinvloed hulle dan hetsy positief/negatief. Hulle moet self kan besluit en keuses maak – met ouerlike leiding natuurlik waar van toepassing. Dit was regtig nie mooi van jou sus om jou met die kind te “bespreek” nie, of wie dit ookal gedoen het. Ek voel enige iets wat ‘n persoon raak, is ‘n sensitiewe saak en moet met sensitiwiteit gehanteer word, maar almal is seker nie daarop ingestel nie! en ongelukkig moes jy nou daaronder lei! Dis jammer!

  3. Oor hierdie saak voel ek so sterk dat ek dink ek wil eerder ‘n inskrywing daaroor maak. Maar ek kan se^ Annerkant dit is jammer as jou suster so te werk gegaan het soos dit hier lyk. As ek jy was sou ek hierdie saak op ‘n mooi manier met my suster bespreek het. Miskien het die dogtertjie jou suster verkeerd verstaan. Daar word gese dat uit die mond van ‘n suideling hoor mens die waarheid, nogtans is die begrip van ‘n kind nog nie ver ontwikkeld nie. So eerder dat daar ‘n kloof tussen jou en jou suster ontstaan sou ek wil voorstel dat jy seker maak van die feite.

    Andrew wys al weer sy vooroordele,🙂 maar daaroor sal ek later skryf.

  4. Annerkant, soos altyd is jy openlik, eerlik en objektief.
    Kinders is ook maar so – hulle kry maklik seer, is meestal reguit (veral op 4) en sê partykeer dinge wat ons as ouers werklik in ‘n verleentheid kan plaas. Ek wil nie jou sussie hier verdedig nie, maar kinders het ingeboude “radar” wat baie vinnig dinge om hulle “optel” en hul aannames is ook baie keer heel verrassend waar. Miskien het jou sus dit nie so reguit gestel nie, maar het jou niggie dit so “gehoor”. Ek vestom my aan my seuns se uitkyke, hul “sien” reguit deur ons as ouers se nukke en grille. Eintlik moet mens dankbaar wees wanneer hulle die eerlikheid kan deel as diegene wat opbottel. Ek wil my verstout en sê dat jou sus-hulle tenminste DIT kon regkry – diplomasie in kinders kom eers later.
    Jou aanname oor hoe mens kinders grootmaak in geloof hang natuurlik van jou eie vlak af. Party glo, maar doen dit privaat, ander is louwarm, ander brand vir Sy vuur. Ons is ‘n Christen gesin en my seuns het grootgeword met stories uit die Kinderbybel (die een wat my ouers vir my destyds gegee het). Hul eie groei kan slegs plaasvind as dit nie afgedwing word van die ouers nie. “n Vriendin van my is steeks wanneer dit met enige iets oor God en Christus te doen het, want haar ouers was “draconian” oor dit.

    Nouja, ons sal jou mis, maar sien uit na jou wan en dan insette.

    Lekker werk, lekker reis en hopelik is Francine se Redeeming Love deel van jou “navorsing”😀

  5. On Sunday after returning from Melkbos, I passed a church and witnessed what really upset me. On the lawn outside the church, were about 100 or so young children, some playing games, others sitting down in small circles, each circle with an adult talking to them about God. (Presumably)

    This is how systematic indoctrination is performed; catch them when they are young to better the chances of convincing them later on in life that a celestial being with great power created them and will punish mercilessly if they do not worship it. These kids will grow up being Christian no doubt, and if the same scenario were to play itself out in Afghanistan it would produce follows of Islam.

  6. hi Andrew, Ek wil nie met jou saamstem nie. Daardie kinders is/was nie daar omdat hulle dit gekies het nie, hulle was daar omdat hul ouers glo wat hul glo en daarom glo die ouers dat die kinders ook daarin geleer moet word, dus: die ouers het die kinders geneem vir ‘n spesifieke rede. As jy so redeneer met Kerk/kinders…dan moet jy dieselfde se van skool, behalwe dat skool verpligtend is. Ouers het wel die keuse vir ‘n privaat/staatskool/tuisonderrig. Dus, as hul besluit op tuisonderrige (soos my een sus…) dan glo hulle dis die beste vir hul kind in daardie omstandighede…staatonderrig…dieselfde…Kerk…dieselfde…dis keuses wat volwassenes maak vir kinders. Ek glo kinders het die volste reg om na waarheid te soek, jy sal volwassenes kry (soos jy) wat se hulle het in daardie Sondagskoolklas gesit en net om hul ouers tevrede te stel…wie se nie van daardie kinders wat jy gesien het voel dieselfde nie? Laat die kind (in watter geloof hy ookal is) leer van alles en vir homself later (wanneer hy alles van alle kante gehoor/gekry het) besluit wat’s reg/verkeerd. Kinders kry vandag op skool inligting oor al die gelowe (ook in SA skole) en hulle kan meer gaan oplees oor al die gelowe (met die hedendaagse tegnologie is die internet ‘n groot bron) en daaruit kan hulle meer “wys” word..maar meeste kinders (dis ‘n veralgemening) volg hul ouers en ‘n klein persentasie sal ook “ander weivelde” volg en meer daaroor uitvind.

  7. Hi Nikita,

    After I posted my comment I kicked myself for not adding: “… well meaning adults who themselves were indoctrinated.”

    I suspect that you consider creationism to have equal merit to evolution. It does not. Do you think the Stork Theory should be given equal airtime in science classes as biological sexual reproduction?

    You also do not seem to care what religious indoctrination they are subjected to, as long as it is religious.

  8. hi Andrew…ek weet nie hoekom jy so aanvallend optree nie, ek het net gereageer op wat jy gese het..as dit ‘n Griekse Ortodokse kerk was en daar was kindertjies buite/binne met volwassenes wat met hul in groepies praat…wat sou jy afgelei het? Dan word hulle “geindoktroneer”… dus, wat ook al die omstandighede/Kerk/gebou…jy sien dit as indoktrinasie… wat daarvan as dit ‘n groep Sataniste was…dieselfde afleiding, sou ek se… dus: ek het ‘n afleiding gemaak op grond van wat jy gese het. Ek hoop jy sien dit so in.

  9. Ek le graag my eier as ‘n ma. Ek is ‘n Christen. Maar ietwat onkonvensionele een. Ek lees bitter min die Bybel omdat ek self sukkel om kriptiese boodskappe te ontsyfer. My kinders word grootgemaak met ‘n baie sterk begrip van God. Dat God groot is en ons lief het en nie bedoel dat slegte dinge met ons gebeur nie maar dat ons self tot ‘n mate vir ons eie heil verantwoordelik is deur die keuses wat ons maak. Bybel stories wat ek ken word vertel maar my kinders gaan nie Sondagskool toe nie en ook nie kerk toe nie want ek gaan nie. Ek maak my kinders groot in die opsig dat hulle kan KIES as hulle genoeg verstand het om ‘n ding te kan uitredeneer. Indien my kinders voel dat hulle ten volle die NG kerk, Katolieke kerk, Joodse geloof, Islam wat ook al wil aanhang weens ‘n weldeurdagte besluit, is dit hulle KEUSE in die toekoms. Spiritualiteit, liefdadigheid, respek vir jou medemens ens (basies die tien gebooie) speel ‘n belangrike rol in my huis, hoewel ‘n spesifieke tipe geloofsgroep nie afgedwing word nie. Vrae wat opduik word eerlik geantwoord en selfs nagevors sodat opinies gevorm kan word.
    Ek dink jou sussie skep ‘n baie slegte voorbeeld as Christen, deur van jou te skinder by haar vierjarige dogtertjie.

  10. Andrew soos ek al iewers waarskynlik vir jou verduidelik het, alhoewel “Young earth creationism” strydig is met wetenskaplike bevindings is die basiese konsep dat God alles geskep het NIE in stryd met die wetenskap nie. Verder, alhoewel ek self glo dat biologiese evolusie heel waarskynlik tot die diversiteit in lewe gelei het en die basiese meganisme van biologiese evolusie wetenskaplik bevestig is, is die hipotese dat alle lewe op aarde deur biologiese evolusie veroorsaak is nie wetenskaplik bewysbaar nie. Dus kan jy nie sulke rigiede stellings maak soos wat jy doen nie. Op die ou ent glo jy self ook maar iets waarvoor jy nie bewyse het nie.

  11. Ek is nie ‘n ma nie.

    Ek kan wel onthou van toe ek ‘n kind was. (Wie probeer ek bluf, ek is nog steeds ‘n kind😉 )

    Ouers probeer seker waardes in hulle kinders vasle. Daar kom wel ‘n dag, wanneer daardie waardes oordeel. Wanneer jy besluit of dit vir jou van toepassing is of nie.

    Ek het nie dieselfde waardes as my ma nie. Ek glo of dink nie altyd soos sy nie. As ek 2 voorbeelde kan noem – sy kinders moet pak kry. Ek is glad nie oortuig nie. My ma sien weer glad nie ‘n probleem met aborsies nie, dit stuit my teen die bors.

    Dieselfde met Godsdiens. Daar is ‘n verskil tussen indoktrinasie en leer. Leer stel bekend, indoktrinasie neem die brein oor. Daar is mense wat Christenskap as volwassenes verwerp, daar is mense wat Christenskap as volwassens die eerste keer aanneem en daar is mense wat vir ‘n tyd Christenskap verwerp, maar dit weer later op neem.

  12. Hi Nikita,

    Please do not take my ‘aanvalende optrede’ personally. I am challenging the argument and not you.

    I’m not sure if I understand you correctly, but I think you are saying I should consider educational schooling as indoctrination too. How can I if religion is based on faith? To have faith is to believe without evidence, hence my Stork Theory analogy. To this very day not a single bit of evidence has been found to support the notion of a mystical, all powerful entity that created us, the earth and the universe. Nothing, nadda, zilch, zero. Followers are continuously forced to change and adapt their interpretation of Holy Script as humanity systematically gathers information about the environment we live in. Why not take the argument to its logical conclusion?

    Our cognitive traits predispose us to faith. Religion is just silly, childish nonsense and it is also harmful and dangerous. It can even kill you.

  13. Flippie, we do not yet know how life started on this planet, are we therefore to deduce by default that one of the Greek gods were responsible?

  14. Hi Andrew
    Ek het verwys na groepe “gelowe”…die “omstandighede” is ‘n kerk of ‘n gebou…of enige versamelplek/versamelpunt.

    Dan, ja, education kan ook indoktronerend wees, hang af hoe jy dit sien. Vir 20 of meer jare (wel, so voel ek) dat “sekere” kuns ook “kuns” is…terwyl dit vir my gemors is…maar op skool word dit gese dis “kuns”..dus, is dit ook nie ‘n vorm van “indoktronasie” nie…. wat is indoktronasie..dis soos “brainwashing”…dus, as ek sekere beginsels vir leerders leer, dan “brainwash” ek hulle daarmee.. positief/negatief.

  15. Ek sien wat jy se^ Nikita. Ek onthou goed hoe ek Raka op skool gehaat het en dink nog steeds dis ‘n pot k*k. Ander gedigte het my weer baie beindruk.

  16. Kuns, gedigte, musiek ens. is objektief. Maar kan ‘n mens dit vergelyk met godsdiens?

  17. […] October 2008 Onlangs het Annerkant ‘n inskrywing gemaak oor kinders en Rosalind het iewers kommentaar gelewer oor wat kinders […]

  18. Andrew, Jy huigel: “To have faith is to believe without evidence,” Om te glo dat God nie bestaan nie is ook ‘n geval van “believe without evidence,”. Met ander woorde jy is ook “gelowig.”

    “To this very day not a single bit of evidence has been found to support the notion of a mystical, all powerful entity that created us, the earth and the universe. Nothing, nadda, zilch, zero.” Presies dieselfde kan gese^ word vir die teendeel:

    So om jou eie woorde so bietjie te verdraai: To this very day not a single bit of evidence has been found to support the notion that a mystical, all powerful entity did NOT create us, the earth and the universe. Nothing, nadda, zilch, zero.😛

    Jy staan op presies dieselfde wankelmoedige fondasie as ons. Maar ten minste kan ons ons beroep op geloof. Jy kannie want dan weerspreek jy jouself. So jy het geen argument nie.

    Om terug te keer na die argument hier. Natuurlik mag (en moet) Christene hulle kinders leer van hul geloof. Dis deel van hul kultuur en die manier om hul kinders die beste voor te berei vir die toekoms. Op die ou ent gaan die kinders selfs besluit of hulle wil glo. Dis nie indoktrinasie nie.

  19. Flippie please go back and answer my question. Yes or no.

  20. Andrew goed jou vraag: “we do not yet know how life started on this planet, are we therefore to deduce by default that one of the Greek gods were responsible?”

    Alweer sarkasme?😉 Ek dink dis nie onwaarskynlik dat daar wel een of ander wetenskaplike meganisme voorgestel sal kan word vir die oorsprong van lewe op aarde nie. Nogtans sal hierdie meganisme nooit wetenskaplik bevestig kan word nie. As gelowige glo ek dat wat ook al die meganisme is, dis God wat dit daar gestel het met die spesifieke doel om lewe tot stand te bring.

    In ieder geval was dit nie die punt nie. My punt is die volgende: jy hardloop ewe braaf die stryd in met wetenskap as jou wapen. Maar as jy bietjie gaan stil staan ek krities na jou wapen kyk sal jy sien dis totaal kragteloos. Jy kan nie enigiets wat jy so graag wil beweer met jou wetenskap bewys nie. Op die ou ent kies jy om sekere goed te glo nes ons kies om in God te glo.

  21. Nes ek gedink het, jy kan dit nie beantwoord nie.

  22. http://delveintojesus.com/articles/32/If-God-Exists,-Why-Doesnt-He-Just-Reveal-Himself.aspx
    Hi Andrew
    Ek dink iemand soos jy het ‘n persoon nodig om persoonlik met jou te praat, ipv “sinnelose” blog-replies op die internet. Oor wat jy wil weet, kan mens maande lank oor “redeneer” en ek glo jy het dieper kennis nodig as net wat ons almal hier probeer “se”. Moet asseblief nie “sinnelose” sien as ‘n belediging vir enige persoon hier nie, ek dink ek probeer daarmee se dat ons jou nie kan oortuig van enige iets nie, want ek dink jy wil nie oortuig wees nie. Ek hoop nie ek beland in spam met die link wat ek hier gee nie, alhoewel die link ook maar bietjie “afgewater” is teenoor wat ek eintlik vir jou wou gee. Ek dink die verantwoordelikheid le by jou om eerlike antwoorde te soek oor die waarheid van die Bybel. Ek is geen geleerde predikant/prediker om vir jou al die bewyse wat jy soek, nou uit die Bybel uit te ruk en hier vir jou neer te plak nie. Ek is eintlik jammer ek is so “oningelig”, ek sou dit graag wil doen, maar ek sien dit tog deel van my “plig” om jou “soort van” te “help” – maar ek glo nie jy soek die hulp werklik nie, want jy het dit dalk voorheen gekry en besluit dis nie wat jy wil he nie. Ek dink ek stap nou af van hierdie inskrywing, ek het ongelukkig studie-werk waaraan ek moet aandag gee en sou regtig nog verder wou deelneem as ek kon, my tyd is nou eers beperk, meer as voorheen. Ek hoop jy kry die antwoorde wat jy soek – indien jy regtig “op soek” is. Ek glo ook dat alle mense op die aarde glo dat daar ‘N God/god is… maak nie saak wie jy glo jou God/god is nie, sommige noem hom God, ander Allah…ens. en sommige Satan…vir my bestaan God, want as ek net na alles om my kyk, dan kan ek nie glo dat alles net BOEM skielik daar kon wees sonder dat iemand nie iets gedoen het nie en WIE is daardie “iemand” wat “iets” gedoen het…dis iemand baie sterker/groter as jy, ek , almal saam…

  23. Ai Andrew

    Ek ken jou nie – maar dit is half uitputtend om te sien hoe jy teen alles sal stry. Ek stem, enige mens met ‘n paar breinselle tussen die ore moet vrae vra, stry en die boundaries toets. Hoe anders gaan jy leer wat is reg en verkeerd, wat is goed en wat is sleg…hoe anders gaan jy jouself leer ken en jou waarde as mens besef…

    Ek is ‘n Christen – en daardeur praat ek nie van om elkeen van die tienn gebooie te gehoorsaam, my kinders te forseer om sekere dinge te glo en enige vrae wat hulle mag vra nie op ‘n oop en eerlike manier te antwoord nie. Ek maak ook my foute, ek luister ook nie al dag na God nie en neem maar ook nog daagliks verkeerde besluite…maar ek bly steeds ‘n Kind van God. Hy het my steeds Lief net soos wat Hy ons almal Lief het.

    Dit is jammer dat jou uitkyk op Christenskap so negatief is en jy soveel afbreuk daaraan wil maak. Dit is jammer dat jy die 100 kinders voor die kerk sien en jy aanneem hulle word geleer dat God jou tot in jou diepste wese gaan straf as jy nie voor Sy voete buig en Hom soen as ‘n onsinnige, onbelangrike, nietige wetenskaplike wese nie… Dit is jammer dat jy hierdie siening oor Christenskap het…en ek kan maar net aan neem dat hierdie uitkyk van jou heel moontlik die resultaat is van ‘n “Christen” wat nie werklik verstaan het Wie en Wat God werklik is nie.

    So what as daar nie tonne en tonne fisiese, tasbare bewyse is dat God bestaan nie. Maar as jy voel die wetenskap is alles, was alles en gaan alles nog wees, hoekom skep jy dan nie sommer ‘n mens nie. Uhmm, teen die tyd het die wetenskap darem al daardie formule uitgefigure sou ek sê. OK, miskien is ‘n mens te veel gevra…skep dan maar ‘n atoom, ‘n proton of ‘n neutron (ek beweeg nou op dun ys want my wetenskap kennis is maar skraps). Skep ‘n bietjie materie…

    As jy bietjie deur die posts lees dan word een ding baie duidelik. Die wie hul self sien as Kinders van God – Glo in Liefde, Glo in Lewe en so ver moontlik probeer ons dit ook manifesteer in ons lewens en deur ons aksies. Om nie afbreuk te maak nie, om nie mense te judge nie (want dit is nie van God nie) maar tog kom satan maar steeds en werk dit in.

    Dit is net jammer om te sien dat jy enige krummeltjie sê goed probeer verdraai in iets negatiefs, iets wat afbreuk maak en iets vernietig. Dit is werklik jammer,

    Ek het twee pragtige kinders van my eie (en ons het laas week gehoor daar is ‘n derde enetjie oppad) en ons lees elke aand vir elkeen stories, bybel en kinder stories. Ek forseer nie my standpunte op hulle af nie en geniet dit wanneer hulle vrae vra, want dit beteken hulle aanvaar nie net dit wat gesê word nie maar dink darem. Ek wonder net vanuit jou oogpunt hoe jy jou kinders sal groot maak. Sal jy hulle van kleins af leer dat daar geen hoop is nie, dat hul lewens niks beteken nie en dat hulle net materie is wat doelloos ‘n bestaan maak op ‘n doellose plek?

    Ek dink jou kinders sal inteendeel vir jou leer dat hulle veel nader aan God en sy onkenbare, oneindige Liefde is as wat meeste van ons Christene is nie…sonder dat hulle dit eers besef. Kinders gee Liefde vrymoediglik, sonder skroom, sonder enige verwagtinge. Kinders vergewe keer op keer en vra eenvoudig net vir relationship. Kinders het altyd hoop vir die toekoms en ‘n blymoedigheid in hul harte…iets wat ons nie vir hulle kon leer nie…want dit is nie tasbaar nie, dit bestaan nie uit materie nie…

    Onskuldige kinders wat nog nie deur die wereld aangetas is nie, is die beste bewys dat God, die God van Liefde Leef. Dat God bestaan. Dat daar doel is met die LEWE. Ons praat nie van ons daaglikse bestaan as die Dood nie, doen ons…

    Jammer dat ek soveel geskryf het…soos FlippieFanus is ek ook passievol hieroor.

    Ek moet noem dat ek nie belang stel om met jou te redeneer nie Andrew aangesien dit ons nerens gaan bring nie…maar wou net deel met jou hoe ek dit sien.

    Sorry Annerkant – lyk my jou blog het in ‘n heel ander rigting beweeg die keer.

  24. Daarsy Corrie – pragtig- op die man af! Dis die verskil :LIEFDE, blymoedigheid, doelgerig!

  25. Aargh! Nikita, I’ll try an example to make it easier.

    http://www.news24.com/News24/World/News/0,,2-10-1462_2418982,00.html
    (In short, two Muslim Bali bombers are to be executed for killing 202 people.)

    These two men are going to die because they killed several people in the name of their god. A god they were brought up to believe in. You will agree with me that this is a lot of dead people for a god that does not exist. Yet they believe as strongly in their god as you do in yours. You can’t both be right. Now add another 1000 religions.

    Please tell me you understand this?

  26. Thank you Corrie, this is to acknowledge that I read your post.

  27. *Are all Christians like this or did I just receive a bad batch?*

  28. Corrie jy het dit nou so pragtig gestel, dit voel vir my dat ek niks meer verder hoef by te voeg nie. Baie dankie.

    Andrew on the contrary I think you’ve stumbled upon a pretty good batch of Christians.😉 Kyk net rondom jou en fokus op die liefde wat daar is eerder as die negatiewe.

  29. hi Andrew, dis waar die verskil inkom, daardie moslems glo in wat hulle glo, dis waarom hulle doen wat hulle doen, doen ons Christene dit? ons hoef nie te sterf om vir God/Jesus te “bewys” ons is Sy kinders nie, hy het dit reeds vir ONS gedoen om Sy liefde te bewys. Christene doen eerder die teenoorgeselde en dis om vir mekaar om te gee..wel, om ‘n Christen te wees is relatief, omdat sommige mense meer sal verkies om ‘n gelowige genoem te word as ‘n Christen want om jouself ‘n Christen te noem is meer as net om te se jy is gelowig. ‘n Ware Christen het ‘n baie nou en reguit paadjie om te stap sodat mense soos selfs jy nie ‘n vinger kan wys teenoor so ‘n persoon en hom/haar kan beskuldig van enige iets denkbaar nie. Ek dink jy moet ‘n blog begin Andrew met ‘n inskrywing waar ons almal (wat tyd het en soos ons tyd het) kan gesels, want ek dink annerkant se blog gaan uitbrand hier ..🙂

  30. Flippie, I don’t do superficial, self-centered ‘liefde’. When atheists do good deeds it is without any hope of a reward hereafter.

  31. Nikita, nou gaan ek dit nog eenvoudiger stel. Dink jy dit is reg om klein kindertjies in Pakistan te indoktroneer met Islamiese geloof?

  32. hi Andrew, ek dink die antwoord van jou vraag is duidelik genoeg as jy my inskrywings sou gelees het, sou jy agtergekom het dat ek ‘n Christen/gelowige is, dus, dink jy Christene keur dit goed? Hulle glo dis wat reg is, want dis deel van hul kultuur/geloof/leefwyse. Net so sal jy as nie-gelowige ook glo in sekere dinge in die lewe wat in teenstryd is met wat ek of ander sal glo. Ek weet nie presies waarop jy afstuur as jy elke keer se jy wil dit “eenvoudiger” stel, wees meer spesifiek, want ek dink ek voel nou regtig dom, dommer eintlik, want jy wil alles vir my “eenvoudiger” stel…dit voel soos ‘n aanklag teen my intelligensie. Ek het nie geweet jy probeer iets vir my spesifiek “se” nie, seker omdat ek haastig is en net “scan” wat jy se omdat ek nie met jou ‘n redenasie wil aangaan nie, want ek dink jy is daarop uit om in sirkels te redeneer.

  33. ok Andrew, ek sien ek het jou vraag in die laaste reel gemis…jammer…as dit is wat ek dink jy na verwys….”Please tell me you understand this?”

    Wel, dan dink ek ek het hou geantwoord hierbo met wat ek gese het. Ek moet nou ongelukkig van hierdie possie afstap. Ek dink ek was alreeds “polite” genoeg om weer en weer terug te kom en ek het regtig baie werk waaraan ek nou al reeds moes aandag gegee het. Ek is besig met ‘n kursus en moet ‘n opdrag voltooi, jammer…

  34. Andrew, ek gaan my cerstout en die volgende se^: Ek glo jy en ek het nog altyd van mekaar gehou, ten spyte van die feit dat jy nie in God glo nie en ek – teenoor jou veral – ‘n uitgesproke Christen, is. So, kry jy my jammer omdat ek volgens jou in iets glo wat nie bestaan nie? Want wat my brein en my intelligensie betref, het jy my nog altyd gerespekteer. Jy het dit vandag weer in jou kommentaar op my blog gese. maar ek glo in God. So, hoe bring jy daardie kap van die byl bymekaar? ‘n Bogemiddelde intelligente persoon waarvan jy hou, maar wat teen jou grein in, in God glo?

    Wat maak jy met dit, Andrew?

    Annerkant – ek dink jou sussie behoort jou siening en uitkyk presies in dieselfde mate te respekteer as wat jy hare doen. Wat jy glo, behoort nie vir hulle ‘n wapen te wees om jou te laat vrees dat hulle jou uit hul lewens kan sny nie. As my sussie more vir my vertel sy glo nie meer nie, sal sy steeds my sussie bly. Ek sal vir haar bid, baie, maar ek sal nooit eers oorweeg om haar af te skryf nie.

  35. Sonkind, ek het lank gewonder wanneer dit gaan opkom. Soos jy hopelik kan sien hierbo is die redenasies VIR God pateties. Oor en oor en blerrie oor, dieselfede sirkel redenasies en Red Herrings, dat dit by my ore wil uitloop. Ek sinspeel wel daarop dat sulke mense onosel is. Die waarheid is dat hulle NIE noodwendig onosel is nie maar gedwing word om onredelik te redeneer om hul geloofs oortuigings te handhaaf. Ek dink nog steeds jy is slim al glo jy in God.

  36. Andrew, Ek dink jy is arrogant. Dat jy almal wat hier vir God is onnosel redeneer, ek dink dis uiters arrogant van jou om mense so te beoordeel net omdat jy die persoon is wat “anders” dink. Dit wys slegs vir my watter tipe mens jyself is, ek glo nie ek is iemand wat in jou geselskap sal wil wees nie, jy mag hoe slim wees ..as jy is…hoe intelligent…maar jy het in my oe laag gedaal met hierdie arrogansie van jou. Dink jy omdat jy “anders” dink dat jy beter is as ander mense..nee jy is nie. Jy het nog met geen bewyse gekom dat JY reg is nie, jy kan nie vir my enige tasbare bewyse gee dat daar NIE ‘n god is nie… as God NIE die skepping voortgebring het deur Sy skepping nie..waar kom dit vandaan. Ek weet voor my heilige gees dat ek nie jou nou hier moes beantwoord het nie, maar ek dink net ek wil opkom vir almal wat hier tot dusver VIR God is. Jy dink jy’s ‘n god jouself, lyk dit vir my, onaantasbaar en verhewe omdat jy die hele tyd bewyse soek, wat alreeds daar is, maar jy sal dit nie erken nie. Hou liewer op om mense te beledig en aan te val, en moenie se jy val die argument aan nie, want die keer het jy nie!

  37. Nikita, stadig asseblief. Het jy my komentaar gelees tot op die einde. Ek beskou jou NIE as onosel nie! Ek het nog nie een persoon hier op die blogs ontmoet wat ek beskou as onosel nie. Glo my asseblief, ek bedoel dit.

  38. Andrew, ek het dit gelees…”Ek sinspeel wel daarop dat sulke mense onosel is. Die waarheid is dat hulle NIE noodwendig onosel is nie maar gedwing word om onredelik te redeneer om hul geloofs oortuigings te handhaaf.”
    jy se…die waarheid is dat hulle NIE noodwendig…”noodwendig.”… se dit klaar..(jy beweer met ander woorde) dan gaan jy voort… hulle word “gedwing” om onredelik te redeneer…
    Ons word nie gedwing nie, ons is nie NOODWENDIG… ek glo elkeen wat hier kommentaar gelewer het, is geskape deur God, en in Sy woord se hy……”en dit was GOED”..dus, wie is JY, EK, wie ookal, wat ander kan kritiseer en dink jy is verhewe bo iemand anders. God het jou ook geskape, anders, wie het JOU gemaak. Nou sal ek graag van jou wil weet wie jou geskape het, in so ‘n perfekte liggaam dat elke neuroon op sy plek is, presies weet wanneer om watter boodskap van en na jou brein deur ander dele van jou liggaam te stuur dat jy presies weet wanneer jy wat wil doen (al is dit om neerhalend te wees)… ek dink nou is ek die een wat jou “challenge”. Waarom begin jy nie ‘n blog nie? Dan kan mens meer vry voel om meer te se as wat jy ander se blogs “spam” met allerhande “sinnelose” gesprekke. Ek moet eerlik se, ek kuier op min blogs – tyd is my faktor – en ek het lekker gekuier hier, maar tot op ‘n punt en vind dit nou baie onaangenaam op hierdie oomblik, dis waarlik die heel eerste keer dat ek voel ek “val” iemand anders aan…ek is gewoonlik iemand wat vir ander sal opkom en glo aan regverdigheid, maak nie saak waar in die wereld ek is nie, daarom het ek hier op my perd gespring en gevoel ek kom vir myself en ander op. selfs vir jou! indien jy dit nie agtergekom het nie! Lekker slaap! Dis 6 oor 12 hier. En ek sal ongelukkig nie verder jou hierop antwoord behalwe as jy my uitnooi na jou eie blog. Groete en mooi loop! Mag jy geseen wees in die liefde van Jesus en mag Sy Engele jou beskerm waar jy loop en mag jy net vreugde en liefde in jou lewe ervaar met wie jy ookal in aanraking kom, mag daar net roosblare op jou pad wees en geen enkele roos-doring nie! Mag jou pad net gelyk wees waar jy beweeg! amen…ek’s klaar!

  39. Nikita, dit raak nou vir my ook onaangenaam hier, so ek gaan ook terug sit. Laat weet maar as jy wil he^ ek moet jou vorige vrae beantwoord.

  40. Andrew, gedink jy sal hierdie brokkie nuus dalk “informative” vind, Ek het vanaand ‘n program van CNN gesien oor hierdie aktiwiteite waar hulle mentally ill vrouens gebruik, kinders ook. Ek wil niks verder hiermee se nie.
    http://www.longwarjournal.org/archives/2008/02/al_qaeda_in_iraq_use.php

  41. Ek het dit gelees, dis verskriklik. Die wereld moet hierdie dinge weet asook hoekom dit gebeur. Dis die enigste manier wat ons sulke dinge in die toekoms kan voorkom. Ek val in die kamp van mense wat dink die toekoms is rooskleurig vir die mensdom. Neem byvoorbeeld oorloe, die persentasie van mese wat sterf relatief tot die wereld bevolking raak al hoe minder al word wapens meer vewoestend.

  42. hi Andrew, dus: hulle doen dit nie vir hul god nie, hulle word misbruik omdat hulle verstandelik nie normaal is nie, misbruik die moslems juis daardie mense/kinders (laaste paragraaf gaan oor die kinders) en daarom dink die res van die wereld…o, hulle doen dit vir hul geloof/god.(dis wat ek gehoop het jy ook sou “raaklees” en besef)

  43. Ek hoop julle sal my vergewe as ek eers later alles kom lees en dit verwerk. Kinders is regtig ‘n sensitiewe onderwerp, en veral as dit by lewensoortuiginge kom. En kinders is sulke wonderlike wesentjies … soos sponsies wat alles opneem. Oor kinders grootmaak voel ek ‘n mens moet nie ophou leer en nadink nie. … maar voordat ek nou my eie diskoers inslaan oor iets wat ek nie eens eerstehands ervaar nie, laat ek eers groet. 🙂 Ontsaglik dankie vir al die gesels hier. Ek vermoed dit was soms maar warm onder die kraag … maar dit is ook goed.🙂

  44. Flippiefanus, ek sien jy het toe jou kommenaar in ‘n inskrywing gegee. Ek stel baie belang. Dit is nie gebrek aan belangstelling dat ek nog nie kom lees nie, glo my, maar ek sal weer inhaal.🙂 Dan sal ek natuurlik soos Rip Van Winkel wees, maar wat.🙂

  45. The Bali bombers I mentioned in one of my posts above were executed by firing squad today. They died because they were indoctrinated as children.

    http://beta.philstar.com/Article.aspx?articleId=414104

  46. I as well as my pals were analyzing the great thoughts found on your web site and so before long
    I had an awful feeling I had not expressed
    respect to you for those tips. All of the boys are already as
    a result happy to study all of them and have in effect
    in truth been loving them. We appreciate you truly being so considerate
    as well as for obtaining these kinds of notable topics millions of individuals are really needing to know about.

    My sincere apologies for not saying thanks to sooner.

Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out / Change )

Twitter picture

Jy lewer kommentaar met jou rekening by Twitter. Log Out / Change )

Facebook photo

Jy lewer kommentaar met jou rekening by Facebook. Log Out / Change )

Google+ photo

Jy lewer kommentaar met jou rekening by Google+. Log Out / Change )

Connecting to %s

%d bloggers like this: