Linker- en regterbrein: wow!

Ek sal myself moet inhou, want vanaand wil ek ‘n honderd goed gelyk skryf!  Hierdie is net ‘n inleiding (hoekom het ek nou weer hiernatoe gespring?) tot ‘n fassinerende onderwerp (terloops, waarvan ek minder as die meeste hier weet!) waaraan ‘n mens ‘n hele blog kan wy - ons breine.

Dit het begin toe Boendoe my in haar kommentaar vra: “Sal dit onbeskof wees om te vra of jy al iets geleer/wys geword/ontdek het? Sedert jy begin blog het, bedoel ek.”  My eerste inskrywing was op 5 Julie hierdie jaar.  Ek blog nou omtrent 3 maande (kan jy glo!), en ek reken dit is ‘n billike vraag om al te antwoord.  Ek het so ‘n rukkie gedink, en haar probeer antwoord so goed ek kon.  Maar die vraag het by my gebly.  Vanoggend het ek op die eerlikste antwoord teenoor myself afgekom.  Ek wil dit eers antwoord sonder om terminologie en oorsake daaraan te heg, en dan kom ek by die linker-, regterbrein storie uit.

Vandat ek blog, is my gedagtes baie meer by godsdiens, christen wees en spiritualiteit as in ‘n lang tyd.  Maar op ‘n sekere manier het dit my eintlik weer verder weg geneem van geestelikheid af.

Ek moet nog mooi uitwerk wanneer dit presies gebeur het, maar vandat ek weer geestelikheid “ontdek” het, en daarin begin groei het, was dit meer ‘n baie persoonlike ervarings- en gevoelsbelewing.  Ek het onder andere gereeld stukkies uit Louise Hay se boek gelees.  Dit was wonderlik.  Dit is moeilik om dit te beskryf.  Ek het rustiger, meer tevrede, gelukkiger, meer “heel”, meer “gebonde”, groter en “met liefde gevul”, en meer in beheer van my lewe begin voel.  Dit het soort van ‘n integrale en oorkoepelende deel van my geword.  Ek het selfs met groter empatie aan ander begin dink, en begin voel asof ek ook aan ander mense wou vertel wat ek beleef.  Dit het my ook meer weerloos gelaat teenoor gesprekke oor my verlorenheid omdat ek nie ‘n christen is nie.  Laasgenoemde en my behoefte om my geestelike pad met ander te deel, dit te bespreek, vir antwoorde te soek, en om meer tyd te spandeer aan hierdie groeiproses van my, was van die redes hoekom ek met hierdie blog begin het.

Vandat ek blog, spandeer ek wel meer tyd aan dink en redeneer oor godsdiens en geestelikheid.  Ek “ontmoet” mense met verskillende oortuigings en denke daaroor.  Ek skryf daaroor, ek begin oor verskillende aspekte daarvan lees, en het al ‘n hele hoop boeke bestel, waarop ek nog wag, wat my bankbalans bietjie laat steier. :)  Ek stoot die aktiwiteite daar rondom nie meer so heeltemal op die agtergrond wanneer dit besig raak nie.  Ek dink oor wat mense vir my gesê het, nuwe idees waaroor ek kan skryf, ek lees oor allerhande dinge op ander mense se blogs, en ek leer baie!  Ek is minder angstig oor my denke oor godsdiens en geestelik wees.  Maar al hierdie dinge is op die vlak wat ek persoonlik meer geniet en veiliger in voel: op ‘n denkende, redenerende, logiese en grootliks on-emosionele vlak.  Maar die gevoelservaring of “spiritualiteit” het “minder” geraak, as ek dit so uit kan druk.  In daardie opsig, dra die blog nie regtig tot my geestelike groei by nie.

Hierdie twee aspekte van my geestelike reis pas vir my so reg in die linkerbrein en regterbrein idee in.  Ek dink dit is al taamlik algemene kennis, en omtrent soveel as wat ek op hierdie oomblik daarvan weet, dat die linkerbrein reglynig, logies, analities en on-emosioneel dink, en detail “raaksien”.  Daarteenoor  is die regterbrein kreatief, mistiek, intuitief, emosioneel en ruimtelik, en “sien” die “geheel” raak.  Soos in alle dinge moet ek seker balans hou tussen hierdie twee aspekte,  maar intuitief :) voel ek dat my spirituele (regterbrein?) meer aandag moet kry.

Maar hoekom  koppel ek die fasette van my geestelike reis aan die linker- en regterbrein denke?  Daar het ‘n paar dinge tot my aandag gekom.  Die twee taamlik duidelike aspekte van my geestelike ervaring, kommentare wat ek van mense gekry het wat ek nogal in “linkerbrein” en “regterbrein” hokkies sou sit (wat BAIE gevaarlik en vereenvoudig is), my eie geestelikheid wat weer na vore gekom het toe ek om baie redes in my eie lewe daaraan moes werk om my regterbrein meer in te span en die inligting wat ek met Google-soektogte raakgeloop het wat onder andere regterbrein aktiwiteite koppel aan “New Age” denke, en aan demoniese aktiwiteite.

Met my soektog vir hierdie inskrywing oor navorsing op regterbrein en linkerbrein denke, het ek onmiddellik weer in ‘n splinternuwe sfeer beland met ‘n magdom inligting en menings!  Die woord pseudowetenskap, bog, onchristelik en dies meer het dikwels opgeduik.  Meer interessant, sommer vroeg al in my Google-soektog, loop ek toe ‘n persoon raak, wat my fassineer en ‘n video van ‘n praatjie deur haar op Youtube het my laat stilstaan.  Ek het sommer opgehou met my soek vir inligting.  Haar naam is Dr. Jill Bolte Taylor.  Ek is seker baie van julle, indien nie almal nie, weet van haar.  Vertel my meer! Hier is die praatjie wat sy gegee het.  Ongelukkig is dit ‘n bietjie lank.  Ek is van plan om meer oor haar te skryf.  Maar meer belangrik, oor hoe ons breine werk, veral ten opsigte van spiritualiteit.  Ek sal maar so moet skryf soos wat ek self daaroor leer.

Nou wonder ek net: is die oorsprong en setel van tot-bekering-kom (in ‘n christelike sin)  in die linker- of regter hemisfeer van ‘n mens se brein, of in beide (die “heelbrein”)?

[Naskrif: Vir die wat nog nie het nie - gaan lees gerus ook 'n inskrywing van Nikita, "My whole brain", wat sy al 'n hele rukkie terug geskryf het.  Dit is die moeite werd as jy in denke en die brein belang stel.  Dit handel oor "whole brain thinking" (geheelbrein denke), kreatiwiteit, en dies meer, en sluit soos al haar inskrywings ook koppelinge na leersame en ook prettige web blaaie in, waar jy ondere jou eie Picasso skildery kan skep! :) ]

61 Responses

  1. hi annerkant! Baie interessant..ek wil terugkom om die video klaar te kyk, het net tyd gehad vir die eerste amper 10 min…op my blog het ek ‘n inskrywing oor die 2 helftes/heel brein, op die oomblik in my “top posts” jy sal hom bo-aan sien as jy vanaand daar uitkom, ek het ook daarin genoem van dr Kobus Neethling, dalk ken jy hom? maar wag, ek moet “werk” die kant….dis byna slaaptyd, maar ek wil graag more aand terug kom vir die res van die video! Die brein het my ook nog altyd gefasineer..met al die “disorders”… lekker slaap!

  2. jammer…vergeet om te se dat die possie se titel…”my whole brain” is…

  3. Annerkant, baie interessante inskrywing met interessante gevoltrekkings. Ek sal weer moet terugkom en weer moet lees om behoorlik te kan kommentaar lewer.

  4. Nikita, ek kon nie gisteraand verder kuier nie, die weer het my van die rekenaar af gejaag. Ek sien uit na vanaand, dan kom lees ek. Kan jy glo!!!!! Ek het regtig nie van jou possie geweet nie!!!! Ek is seker daar is ‘n gemeenskaplike denke!!!!!!!! Ek het ook raakgesien dat daar van ‘n “heelbrein” gepraat word. Ek het al van Dr. Kobus Neethling gehoor, maar nog niks van sy werk gelees nie. Nou wil ek sommer nie gaan werk nie, en hier bly, maar ek kan nie!! :) Tot vanaand dan. :)

  5. Flippiefanus, lyk my jy kom kyk ook wat aangaan voordat jy werk toe gaan! :lol:

  6. Bly by huis, en leer verder. :wink: Hierdie is ‘n baie oulike inskrywing van jou met goeie redenasie. Sal ook weer moet kom lees en na die video kom kyk. Lekker dag.

  7. Dis interessant dat jy voel jou regter-brein het bietjie agterwee gebly in jou soeke na antwoorde. As ek eerlik moet wees, dit het vir my ook so gelyk. Ek sal weer moet kom om die video te kyk – volgende week. Ons boendoe-internet gaan nie die ding doen nie!

  8. Ok, ek’s terug met AANDAG! Hierdie opskrywing van jou is werklik diep nagevors en deurdink. Ek beny jou die vasberadenheid om antwoorde te soek en ook jou navorsing wat daarmee gepaard gaan. Ook nog nie die video gekyk nie, 3G te onvriendelik, maar het wel haar web gaan besoek. Baie insiggewend.
    Ek hou van jou reis.

  9. Dankie, annerkant, dit was ‘n interessante video oor die brein en haar ervaring. Die brein het my ook nog altyd gefasineer. Darem wonderlik hoe hy sekere dele se werking kan “oorneem”, soms tydelik, soms permanent.

  10. Die vrou maak ‘n interessante punt oor energie. “We are nothing but a pack of neurons.” het Francis Crick gese, Ons is net die byproduk van senuwee-aktiwiteite en dit is gewys in die vrou se video. Vuur die brein verkeerd, gaan staan alles.

    Geloof in die linker of regterbrein. Sou nie kon se, is dit nie net ‘n wilsbesluit vanuit ‘n kulturele agtergrond nie.

  11. Hi Sammie: jammer, jong, ek het jou eerste kommentaar gemis, en ek dink dit is omdat ek jou “lekker dag” gemis het, dat dit so deurmekaar en besig was! :) Sammi, dankie vir die kompliment. Jammer haar video is so lank. Ek dink daar is seker baie verduidelikings vir haar ervaring, maar duidelik het dit haar baie diep geraak, en ten minste moet ‘n mens aanvaar dat sy bietjie meer van die brein se werking af weet as meeste mense.

    Hallo Boendoe, jammer die video is so lank! Ek het nie gesoek om te sien of daar iets korters is nie. Die video is nogal hartroerend, maar miskien kan jy ook eerder iets op haar webblaaie vind. “Regterbrein” aktiwiteite kom nie maklik vir my nie. Dalk sal ek eendag ietsie skryf oor die toetse wat ek moes doen, en hoe selfs ek duidelik kon sien dat ek omtrent net “linkerbrein” funksioneer. Ek weet nie of die verbinding met die brein se kante reg is nie, maar dat daar ‘n verskil in ervarings en dink is is vir my taamlik seker.

    Nikita, ek kom toe eers vanaand terug. Gaan sommer eerste ding net-nou jou brein-inskrywing lees. :) Ek “DIE BREIN” het my nou ook in sy / haar greep! :)

    Rosalind, ek is doodseker dat ‘n mens die werklikheid verskillend kan ervaar. Ek onthou jy het ook ‘n inskrywing gedoen oor hipnose. Of dit nou regtig duidelik verdeel kan word in die linker- en regterbrein sal ek nog nie weet nie, en of dit te doen het met die feit dat ons eintlik ook bewustelik deel is van die energie om ons, weet ek ook nie. Dit is seker soos die bestaan van God nie moontlik om te bewys nie.
    Die “afsit” van dele in haar linkerbrein het my ook nogal herinner aan iets wat aan en af flikker, soos iets wat afgesit word.

  12. hi annerkant…jy wat so hou van die brein, ek het Oom Paul nou teruggeskuif na sy “regmatige” plek…lol! en jy kan nou my nuutste possie ook dan beter sien…eintlik wou ek die musiek geblog het! Toe kom ek by slaap uit (die musiek se “tema”) en toe vat dit my ook weer na die brein! ek dink jy veral sal nogal hou van wat ek gekry het :)

  13. Nikita, baie dankie :) . Vir iemand wat van breine hou verdwaal ek darem lekker. Ek moet weer belowe – sal oor die naweek kom lees oor slaap en drome. Moet al weer die blogwereld verlaat voordat ek halfpad gedoen en gelees het wat ek wou!

    Ek het nou sommer ‘n kategorie vir die brein geskep! :) Maar dit is tog waar alles gebeur!

    :lol: sien nou net hierbo by my antwoord op jou “Ek “DIE BREIN” …” :lol: die “ek” moet natuurlik nie daar wees nie. Is darem doodseker dit is nie wat ek wou skryf nie!! :lol:

  14. Ek wonder ook baie oor die grysgoedjies in my skedel, en jy het my belangstelling net meer geprikkel met jou interessante inskrywing.

    Denke, gewaarwordinge ens gekoppel aan ervaring is vir my vergelykbaar met ‘n klippie wat in stilstaande water gegooi word, dit rippel in groter sirkels uit wat naderhand die hele breinwerking omkring – dit affekteer gedeeltes wat nog nie eers ‘n naam gekry het nie.

    Dankie, ek kuier alte lekker hier by jou, al ‘praat’ ek nie baie nie luister ek graag na jou gedagtes en ek slaan nooit ʼn kommentaar van jou oor nie.

  15. Dankie, Mefri. Wens ‘n mens kon al ‘n lekker koppie koffie en koek hier in die elektroniese ruimte aanbied, dan het ek jou nou gou vir ‘n koppie koffie genooi! :)

    Dankie dat jy saamlees. Ek blog mos nog nie lank nie (darem al langer as jy ;) ), maar ek vind ook dat ek soms lees en dan skoon skuldig voel omdat ek nie ‘n stukkie kommentaar los nie, en skryf dan sommer net iets om te wys ek was darem daar. Ek dink jy is net so ordentlik en gaaf. ;) Jy hoef hier by my nooit te voel jy moet kommentaar lewer nie, hoor, maar dit is baie lekker om jou naam te sien. :) Ek kan dink dat die brein jou ook baie sal fassineer.

  16. Inderdaad kan mense dinge verskillend waarneem, daar is selfs klein verskille tussen die brein van ‘n man en vrou (mbt die gedeelte wat die twee helftes verbind).

    Wat Crick bedoel het by ons is net neurone wat vuur, en ek stem daarmee saam is, dat indien die elektrisiteit in die brein stop is ‘n mens dood. Dan is jy weg en die bewustheid is weg. En ‘n mens kan nie “wees” sonder sy bewuste nie. Daarom: op sy heel eenvoudingste is ons maar net ‘n spul neurone, want neem jy dit weg, stort alles ineen.

    Dit is ook uiters interessant om ‘n mens se brein te sien. Probeer een te siene kry by ‘n anatomie-skool.

  17. Hi Rosland,

    Reading your comment reminded me of the three part BBC documentary “The Genius of Darwin” in which Richard Dawkins interviewed the philosopher Daniel Dennett. Just in case you have not seen it, this is what Daniel had to say:

    “Yeah we have souls, but they are made of neurons. And the little neurons individually are just blind little bio robots. They don’t know, they don’t care, they are just doing there jobs. The amazing thing is that if you put enough of them together in the right sort of teams, you have basically a soul. You have the control system and the memory of a being that can be held responsible that can hold himself or herself responsible, that can look into the future.”

  18. Hi Andrew, yes that is basically what it means. I know about the series but have not seen it.
    This also shows us again, that no idea is novel… ;) wonderful quote

  19. Roslind & Annerkant,

    I would love to hear your opinions on something that my mother and I discussed last year while driving back after visiting her dying friend. We were discussing death and when and how it occurs. To make a long story short we reached the conclusion that although death happens suddenly as you (Roslind) said by a loss of consciousness (no brain activity) it may take several hours? for the rest of the body and all its functioning cells to shut down completely. We were thinking of cases where humans have been successfully resuscitated after having been under water (cold water) for up to ½ an hour. I would value your comments please.

  20. Rosa al waaroor Crick maar kan uitspraak lewer is dit wat fisies waargeneem kan word. Oor die spirituele wereld kan hy geen uitspraak lewer op grond van wat hy waarneem nie. Die beperkings wat hy dus stel op wat ‘n mens is kom dus bloot by op grond van wat hy glo en nie wat hy sien nie.

  21. annerkant..ek het my hande vandag op ‘n interessante artikel gele…die brein is ook daarby betrokke…wil dit een of ander tyd blog…kom uit ‘n Sielkunde-tydskrif en Amerikaners het die navorsing gedoen, weet nie of ek dit die naweek geblog gaan kry nie, sal dit baie graag wil doen, sal jou laat weet op ‘n manier, hier of my blog
    nou’s dit 12 middernag hier en ek’s oppad om te gaan slaap en jy droom al waar jy is! lekker week!

  22. Flippie: Jy sal verbaas wees, maar Crick is nogals gelowig…

    Andrew: Ek was nog nie dood nie, niemand was nie.

    Die ligtonnels wat baie mense sien is volgens die wetenskap, juis weens ‘n tekort aan suurstof. Die brein hallusineer as hy nie kry wat hy kort nie. Dit is die mees needy orgaan ooit. En almal se ervaring sal min of meer dieselfde wees, wnat ons “senses” is dieselfde in dieselfde spesie.

    Mense wat verdrink het en bygebring is na baie lank (sowat ‘n halfuur) sal in die meeste gevalle een of ander tipe breinskade he, weens gebrek aan suurstof aan die brein. Al is hulle nie kognitief aangetas nie, min sal 100% wees soos voorheen.

    In die uitsonderlike gevalle wat mense so lank onder die water was, was die water ys-ys koud. Dit blyk dat die selle op een van ander manier nie so gou sterf as dit koud is nie.

    Mens se hart kan lank bly klop met behulp van masjiene terwyl jy reeds breindood is. Die EEG elektro-enkefalogram sal wys daar is NIKS.

    Ek weet nie hoe lank neem dit om dood te gaan nie. maar ek sou dink dit hang alles of van die omstandighede van die dood. die oorsaak van dood.

  23. Thank you Rosland, I appreciate your response. Which Crick are you and Flippie referring to? Francis Crick? He was as religious as a lump of coal. Are you not thinking of Francis Collins, who used to be the administrative head of the American branch of the official Human Genome Project? He is an evangelical Christian.

    Flippie, how come you have access to privy spiritual information that is being denied to the rest of us? ;-)

  24. I got my lines crossed sorry. the quote is still the late Crick. “one is a pack of neurons” in thinking of the book The Astonishing Hypothesis, the Scientific search for the soul.

    Collins is religious. His sciences is very good. The HGP did and is still doing amazing work.

    What is your take on the process of death?

  25. I’m still trying to figure it out which is why I asked. Someone at work asked me today what the opposite of life is. I answered, “It is impossible to say because we have been unable to define life.”

    This whole thing about consciousness throws me a bit. We consider bacteria life too although they do not have consciousness as far as we can tell.

  26. To me it seems as if there is a continuum from lets say elementary particles through atoms through molecules (organic and inorganic) all the way up to life forms as we know it. At which point do we say this is life?

    Our bodies are essentially a city of bacteria that used to, long ago, exist outside the cells that make up our bodies. The largest organism in the world as far as I know, are colonies of ants, in Europe that are linked. It functions as a single organism. Daniel Dennett said the following in the Darwin documentary which only now, for the first time makes sense to me: “Sometimes I like to say, the planet has grown a nervous system and it’s us.” I see on the Dawkins web site that one can no longer download the documentary free of charge. If you want, and it is not in violation of copy right laws and you have a private bag, I would be willing to post it to you. For you too Annerkant.

  27. Andrew vir die interessantheid, ek het iewers gelees dat die grootste organisme op die aarde ‘n woud is iewers in Amerika waar al die bome einlik een en dieselfde organisme is.

    Die vraag oor waar lewe begin is ‘n baie interessante een. Dis waarskynlik op die ou ent iets wat mens maar slegs arbitrer moet definieer. So definisie sal waarskynlik omver gewerp word indien daar lewe op ‘n ander planeet ontdek word.

    Die lewe en bewussyn is nie dieselfde nie. Iets is nie noodwendig “conscious” net omdat dit lewe nie. Dis ‘n moeilike onderwerp om aan te spreek hier.

    “Flippie, how come you have access to privy spiritual information that is being denied to the rest of us? ”
    Oor ek gelowig is en die Heilige Gees het, Andrew. :razz: Jy kan dit ook he^. :grin:

  28. Ek wonder hoe ver ‘n mens die argument van ‘n organisme kan neem, ‘n woud, ‘n aarde, ‘n sonestelsel, ‘n sterre stelsel, ‘n … wag, nou makkeer ek ‘n dop.

  29. Sjoe, hier gaan nou klomp interessante dinge aan! Het net gou in kom loer. Ek sal eers mooi deur moet lees om te reageer, of te sien of ek kan reageer. Jammer ek kom nie gereeld hier uit nie! Maar as dit altyd so sal gaan wanneer ek nie kyk nie, bly ek sommer vir die volgende maand weg. :)

  30. Welcome by jou eie blog Annerkant.

    Is life the reproduction of digital information?

  31. Julle het nou ‘n baie moeilike konsepte aangevat! Lewe, dood, bewussyn! Ek gaan nie oppervlakkig probeer saam gesels nie.

    Wat fisiese dood betref het ek dit ook dat dit ‘n proses is en nie eensklaps gebeur nie, soos Rosalind se, dit hang ook af hoe jy dood gaan. Selfs die brein kan ‘n rukkie oorleef na “dood”. Ek onthou vaagweg hoe ons na ‘n lesing makaber gespot het dat jy die wereld om jou sal sien rol wanneer jou kop afgekap word, want ek dink die brein kan nog ‘n paar sekondes of minute daarna bly lewe, selfs al is dit heeltemal van die liggaam afgesny, maar miskien is die skok so groot dat jy onmiddellik “uitsny”. Verskillende organe gaan teen verskillende tempo’s dood, en ek dink van die organe kan al tot stilstand begin kom voordat jy finaal liggaamlik “dood gaan”, wat ek dink soos Rosalind gese het, breindood is.
    Maar ek gorrel net, ek sal weer so oor ‘n dag of wat terugkom en behoorlik kom saam gesels, al is dit nou wanneer die assies van die gesels al koud is!

    Nikita – ek sien uit na jou inskrywing. Onthou om my te laat weet, hoor.

    Baie dankie, Andrew! Ek sal na jou toe terugkom oor die Darwin dokumenter.

    Meersellige organisme?
    Rosalind, kan ons nie gashere wees vir mitochondria en RNA nie? Waarskynlik het ek die storie aan die stert beet, maar het iewers vaagweg so iets geregistreer. :)

    Andrew, sal jy omgee as ek bietjie oor doodgaan gaan oplees (so oppervlakkig) en dalk ‘n inskrywing daarvan maak? Bietjie makaber, en ek sal nie die omvang bereik van wat julle klaar weet nie, maar ek wil graag daaroor gaan lees, al is dit net op Wikipedia.

  32. Andrew, sien eers jou comment toe ek al toe wil maak. :) Ek hou nou sommer baie van my blog. :)
    :) :) Please give my brain a rest. ;) Will a super intelligent robot be alive, and will it reproduce itself?
    The growth of ideas and communication between people reproduction of digital information? And when will it die? When all the places where it has been saved is disconnected from power? … Maar, ek dink daai onskuldige vragie van jou het baie hoeke en antwoorde! En eintlik moet ek nie probeer slim klink nie! :)

    Mooi bly, en BAIE dankie vir jou stimulerende inloer hier!!

  33. “Ek sal na jou toe terugkom oor die Darwin dokumenter.”

    Annerkant ek weet nie of jy as “gasheer” van hierdie blog my email address kan sien nie, ek is nuut op die blog toeneel. As jy dit wel kan sien moet dit asseblief nie uitgee nie, ek gebruik my werk email. Daar is baie kleurvolle mense daar buite wat graag ‘n ateis in sy tjops wil skop.

  34. Andrew, is dit nou by jou werk wat die mense “‘n ateis in sy tjops wil skop” of is dit nou mense hier op die blogosfeer? Ons het jou nou so mooi mak gemaak hier op die blogosfeer ;-) dat ek nie kan dink hier is iemand wat jou kwaad sal wil aaandoen nie. Iedergeval dink ek nie jy hoef bekommerd te wees oor jou eposadres nie.

    Annerkant, jy moet meer kere hier op jou eie blog kom loer. Ons mis jou hier in die gesprekke. :-)

  35. Van diebrein, tot die dood, tot die Gees, tot organismes. Dis wyd :) . Oor mierkolonies; Daar is meer miere op aarde as alle ander enkele spesie, en hulle gesamentlike gewig is meer as die van alle mense. Raar maar waar. Die volopste spesies is waarskynlik bakteriee maar omdat hulle so klien is ‘sien ons dit nie raak nie’. Oor ons selle; Aanvanklik is gedink dat die kern die belangrikste organel in die sel is maar deesdae word die belang van die mitocondria vooropgestel, want dit kombineer die RNA wat elke sel se bloudruk is van watse sel dit is en watse funksie het. Die mitocondria is baie soos ‘n bakteriee. Oor die siel; Tot onlangs het mense die eers geweet van ‘swart-ruimte’ nie. Dit is nou die 90% van spasie tussen sterre en planete. Nou is hulle besig om die belangrikheid wiskundig en wetenskaplik te bepaal. Dalk is die siel die “swart-ruimte” tussen die neurone van die brein. Net ‘n gedagte ;-)

  36. Dawid, interessant wat jy vertel. Die “swart-ruimte” in die brein herhinner my nou dat Roger Penrose beweer dat daar fundamentele fisika kortkom om die werking van die brein te kan verklaar. Hierdie opinie word egter nie baie gerespekteer deur fisici nie.

  37. Hi Flippie,

    My colleagues at work know I am an outspoken atheist, no problem there, it is the religiously inebriated on the internet I am concerned about. Remember the example I used on your blog?

    http://www.patcondell.net/page4/page4.html

    “Ons het jou nou so mooi mak gemaak …”

    Don’t place any bets on it, I am well aware that debating religion in a respectful manner only serves to impart an undeserved sense of legitimacy and credibility to it.

  38. Annerkant, yes that would be great, see what you can find.

  39. Andrew, net iets bo jy hier bo aangeraak het oor lewe en bewussyn. ‘n Organisme kan lewe sonder om “bewus te wees”, dink byvoorbeeld aan iemand wat in ‘n koma, permanente vegetatiewe staat of iemand in ‘n staat van minimale bewustheid is. Hulle lewe, hoewel kognitiewe funksies verlore is.

    Soos ek dit bestaan is die mitochondria waar die sel sy energie kry en dan bevat dit ook die mDNS (die genetiese materiaal wat oorgedra word van ‘n ma na al haar afstammelinge).

    Dit is DNS wat die bloudruk van ons huisie is.

    RNS kom in enkelstringe voor en DNS in dubbel. RNS bevat ribose en DNS deoksi-ribose. RNS is sentraal in die sintese van DNS, amper soos boodskappers, reguleerders of vertalers van die kode.
    Voorheen is gedink hulle speel nie so groot rol in siekte nie, maar dit blyk nou dat was hulle seinbane verkeerd is, kan dit bydra.

  40. Andrew “…debating religion in a respectful manner only serves to impart an undeserved sense of legitimacy and credibility to it.”

    In that case … thank you. :twisted:

    Alle grappies op ‘n stokkie Andrew, die enigste manier om iets te vermag met ‘n redenasie is om dit op ‘n respekvolle manier te doen. Met ‘n disrespekvolle redenasie verloor mens bloot jou geloofwaardigheid.

  41. You make a fair point Flippie, although my long term strategy is to mock religion. Let’s call it an awareness exercise.

  42. As I have said before, it is my intention to expose religion for what it truly is.

    God the Father = Sky Daddy = Dummy to suck on.

  43. Hallo Flippiefanus, skies vir my afwesigheid. Dit is maar ‘n rowwe week! Dit sal volgende week hopelik beter gaan. Ek het eers gewonder of ek vanaand moet kom kyk, want ek is naby aan die vegetatiewe staat waarvan Rosalind gepraat het, en my brein is net een swart ruimte. Haai, mens moet eintlik nie daarmee spot nie. Jammer, ek sien ek het jou nie eens gisteraand gegroet nie.

    Flippiefanus, ek dink nie ‘n mens kan vir Andrew mak maak nie. :) Maar dit is goed so in ‘n mate, en ek dink mos ‘n mens het mense nodig wat so sterk oor ‘n saak voel en wat vir ‘n mens reguit sal se wat is vir wat aan hulle kant. Dit is net moeilik om dit in godsdiens te ervaar en verwerk, want dit is so ‘n sensitiewe saak na aan ‘n mens se hart. :) Andrew, dink jy ‘n mens moet mense wat christene is probeer oortuig om nie meer godsdienstig te wees nie? Jong, ek dink die behoefte om “geestelik” te wees is in party mense te sterk. Dit is nogal ‘n angstige storie om nie meer ‘n christen te wees as jy so groot geword het nie. Dit is selfs vir my wat al eintlik lankal besluit het dat ek nie ‘n christen is nie, nogal angswekkend as jy so van God praat. :) Dalk is ek net te ordentlik. Ek het half respek vir mense vir wie christen wees belangrik en opreg is. Hoekom is dit vir jou belangrik om godsdiens te ontmasker? Ek weet godsdiens kan baie skade aanrig met hulle dogma, is dit die rede? Skies, ek vat jou nie aan nie, hoor. Daarvoor is ek te lig in die rok, en te ordentlik! En daar verval ek al weer in die woorde!

    Rosalind, die eerste pakkie van my boeke het aangekom. Hopelik is die inspirasie groot genoeg om regtig moeite te doen om my tande (breinselle) daarin te sink. Van Susan Blackmore het ek nog nie die boek oor die meme gekoop nie, maar ‘n bondige boekie “Consciousness: A very short introduction”; dan Spencer Wells se “The journey of man” wat ongelooflik fassinerend lyk; Richard Dawkins “The selfish gene” – het gedink om maar by die bekende een te begin, en John Horgan se “Rational Mysticism” omdat dit my belangstelling geprikkel het. Ek het net gedink ek wil jou graag vertel.

    Op die eerste bladsy van die eerste hoofstuk van die verkorte uitgawe van Susan Blackmore staan daar, en ek haal aan: “… The difference now is that we know enough about the brain to be ready to confront the problem head on. (my nota: om consiousness na te vors) … How on earth can the electrical firing of millions of tiny brain cells produce this – my private, subjective, conscious experience?”. Dit het my laat dink aan die Crick aanhaling.

    Flippiefanus, “Blue like Jazz” (hoop ek onthou die titel reg!) kom in die volgende pakkie, seker nou enige tyd.

    Andrew, ek kom nog steeds terug na jou toe oor die video, as jy sal verskoon so in volgende week. Ek wil jou graag vergoed daarvoor, en ek wil net saam met jou uitwerk hoe sal dit die beste wees om jou te kontak. Ek is gretig om nou alles te versamel wat julle aan beveel! Ek kan nie jou e-pos adres sien nie, hoor.

    Jammer, ek het nie regtig bygedra tot julle gesprekke nie, maar julle het sulke leersame dinge kwytgeraak, dat dit al klaar ‘n goudmyntjie is, en net lees daaraan is al die moeite werd!

  44. Hallo Dawid, welkom hier, en dankie vir jou kommentaar. Ek het die stukkie oor die miere geniet! :) Ja, nee, in sekere opsigte is ons nie so “belangrik” as wat ons dink nie. :) Die hele idee van swart materie en energie is regtig geheimsinnig!

  45. Skies, nog ‘n piep. Flippiefanus, hoekom word die idee van Penrose oor die terkortkoming van fisika kennis om die brein te verklaar nie gerespekteer nie? Pseudowetenskap?

  46. JAMMER Andrew. Ek kan wel jou e-posadres sien op my “dashboard” by die lys van “comments”. Ek sal dit natuurlik nie bekend maak nie, maar dan sal ander waar jy kommentaar lewer dit waarskynlik ook kan sien. Maar dit weet jy seker. Dalk moet jy ook vir jou ‘n e-pos adres skep vir blog-kommentaar doeleindes? Kan ek maar volgende week na daardie e-pos van jou toe skryf?

  47. Annerkant, jy het heerlike boeke gekoop, dankie dat jy vertel het. En jy het regtig goeie keuses gemaak in wat jy gekoop het! Njam!

    Ek ken al die boeke behalwe die ene
    Consciousness: A very short introduction”; en dankie, ek dink ek sal hom self aanskaf :)

  48. Annerkant sterkte. Klink my jy het ‘n harde werk. Jy moet bietjie lees wat White Knite daaroor geskryf het.

    Lyk my jy’s reg, ek het gedog Andrew is nou mooi mak en toe kom hy met die vreeslike goed wat hy kwytraak. :-( ;-) Ek stem egter saam, dis goed om so iemand te he wat as teenwig dien. Dit help om die balans te handhaaf.

    Jy noem (beaam ander woerders) dat dogma skade kan aanrig. Nou ek weet wat in die geskiedenis gebeur het, maar deesdae is daar die benadering dat daar ‘n skeiding moet wees tussen die kerk en die staat (konsep afkomstig van Noord Amerika as ek reg verstaan). Dink jy dat dogma nogsteeds skadelik kan wees as daar ‘n skeiding is tussen die kerk en die staat?

    Jy moet jou boeke geniet. Hoop jy kry genoeg tyd om te lees. En ek wil weereens se (of dalk het ek dit nog nie so verwoord nie) ek waardeer jou nugtere uitkyk op die hele onderwerp vreeslik baie. Dit help ook om die balans te handhaaf.

  49. O ja oor Penrose se storie, Weet jy ek is nie seker nie maar ek vermoed dit het te doen met die hele ding rondom kwantum meganika. Penrose beweer dat wat nodig is iets te doen het met kwantum meganika en laasgenoemde is so bietjie van ‘n heilige koei in die fisika. Maar dinge is besig om te verander. Kwantum meganika word al deur baie meer gerespekteerde fisici soos ‘t Hooft bevraagteken.

  50. Dankie Rosland vir die informasie oor DNS en RNS. Ek moet nog baie hieroor oplees, dit is nog vreemd vir my.

    Hi from me too Dawid, your comment above was very interesting. Give us more.

    Annerkant,

    “Andrew, dink jy ‘n mens moet mense wat christene is probeer oortuig om nie meer godsdienstig te wees nie?”

    What I am going to say now is not meant to be rude, it is just a good analogy. I would like to see religion relegated to the same status as masturbation. Everybody does it but no one talks about it. People do not masturbate in classrooms or in public or on the radio or television or gather in a building on a Sunday and masturbate as a group. They also do not knock on my door on a Sunday morning and masturbate in front of me when I open it. When religion is practiced in the private I will hang up my proverbial hand gloves and walk away.

    Anyway, my goals are more modest. I would like to create awareness about atheism, even if it is only that we do not worship the Devil and eat babies.

    “Hoekom is dit vir jou belangrik om godsdiens te ontmasker?”

    Undoubtedly because it causes harm to society, is enormously wasteful and isn’t true.

    “Ek wil jou graag vergoed daarvoor”

    Thanks for offering but it will not be necessary.

    “Kan ek maar volgende week na daardie e-pos van jou toe skryf?”

    Yes you may, I have already prepared your CD and placed it in bubble wrap, I only need an address. I added two more videos to fill the CD, one is a documentary ‘Break the Science Barrier’ and the other is an interview where Dawkins has a bit of fun and speculates about the origins of life and whether life exists in other parts of the universe.

  51. I hope I did not scare everybody away with my analogy above. It is SUPPOSED to make you feel uncomfortable for it to work, that’s the whole point.

  52. :) Hi Andrew, ek kom maar soms min by die blog uit. Regtig jammer, hoor.

    Ek skrik nie maklik nie, al lyk dit so op die oog af. ;) Jy het nogal ‘n manier om reguit te praat (om dit lig te stel! ;) ), maar ek dink ek verstaan jou frustrasie so ‘n klein bietjie. Dit is een van die redes hoekom ek vir so lank glad nie met enige iemand oor spiritualiteit oor godsdiens gepraat het, juis in ‘n mate oor die oordeel van christene af. Hulle aanvaar dan soms ook dadelik dat jy ‘n skelm is (sonder enige morele waardes), en hulle op een of ander manier gaan benadeel! Dit is ook altyd vir my vreemd wanneer ek by my familie is: hulle sal bid, seen vir die kos vra, my probeer bekeer en alles wat daarmee gepaard gaan, sonder om te dink dat hulle my dalk ook in ag moet neem. Van my kant af mag ek nie buite hulle patrone optree nie. Maar ek sal dit nooit soos jy kan hanteer nie. Dit is net nie in my geaardheid nie. Wanneer ek met jou en Flippiefanus empatie het, is dit nie omdat ek ‘n ja-suster of skynheilige is nie, dit is regtig hoe ek dink en voel. Ek probeer altyd insien hoe ander mense dinge beleef en bedink. Dalk op ‘n stadium mag ek selfs te spiritueel of godsdienstig vir jou raak … ek weet nie waarheen is ek op pad nie ( anders as jy! ;) ), maar ek sal nog steeds verstaan hoekom jy so sterk moet praat om te probeer deurkom. Godsdiens is ‘n baie ononderhandelbare ding!! In ‘n mate is dit jammer, maar dit is die aard daarvan.

    Jong, ek verstaan jou masturbasie vergelyking nogal. Dalk word ek ook eendag kwaad vir die hele godsdiens situasie. Gits, maar dit sal darem aardig wees as almal skielik in hierdie belustigheid gaan!! Heeltemal ondenkbaar!! Maak dit my ongemaklik? … Eerlik? … Ja. :) Nie net is ons christelik nie, maar uiters preuts ook, of laat die masturbasie besigheid jou ook ongemaklik? :) Ek dink jy kry reg wat jy wil, maar meeste mense sal dit nie kan hanteer nie, en sal nie eens daaroor dink nie. Hulle sal hulle net bleek skrik.

    Is it difficult for you to follow my Afrikaans? Hope not.
    Enjoy your week-end!!!

  53. Skies, Rosalind en Flippiefanus, ek het nou so vir Andrew geskrik, dat ek skoon van julle “vergeet” het. Nee, ek spot net, maar ek was ‘n rukkie hier by die huis en het ‘n paar minute gehad om te verspeel, en moet nou weer ry. Ek kom weer terug na julle toe.

  54. I was a bit worried that I may have overstepped the boundaries of blog etiquette. The internet medium is very impersonal and when coupled with partial anonynimity one tends to speak your mind. At least for me. No one needs to worry, I’m not into crude.

    Me uncomfortable about sexual issues? No. Sexual oppression is a burden theists are forced to endure. Boy, religious doctrine really does succeed in sucking the pleasure out of life. Let’s hope religion is never forced down the throats of Bonobo chimpanzees and dolphins. :-)

    Jou Afrikaans is honderd dankie maar jy kan groot woorde gebruik as jy wil. Daar is ‘n web tuiste wat ek ondek het wat Afrikaans vertaal na Engels.

    Ek wil nou eers ‘n bietjie terug sit en jou kaans gee om op te vang met jou ander gaste.

  55. I feel the need to state the obvious. Sexual freedom does NOT imply reckless sexual behavior.

  56. Hi Roslind,

    You said: “Collins is religious. His sciences is very good.”

    Yes it is true, I just wanted to back you up on this point. I wanted to say so earlier but became distracted.

  57. Regterbrein-tegnieke is Okkulties
    Prof. Johan Malan, Universiteit van die Noorde
    Opsomming: Regterbreintegnieke is ‘n humanistiese en sielkundige term wat as verskoning gebruik word om mistiese, psigiese ervarings te bevorder.
    Een van die ontdekkings van moderne tye is dat die mens se brein twee helftes het wat totaal verskillende funksies vervul. Die linkerbrein staan met analitiese en logiese denke in verband, en die regterbrein met kreatiwiteit, holistiese denke, ‘n supergeheue, flitsende ingewings, intuïsie en visioene.
    In die lig van hierdie teorie, wat deur verskeie toonaangewende wetenskaplikes verwerp word, het die mens ‘n geweldige onontginde potensiaal in sy regterbrein, wat hy net deur psigotegnieke soos meditasie en joga moet ontdek en gebruik.
    Lozanov en Suggestopedie
    Een van die baanbrekers op die terrein van die ontsluiting van die mens se verborge regterbreinpotensiaal is die Bulgaarse wetenskaplike Lozanov. Hy het ‘n holistiese benadering ontwikkel waarin die mens se liggaamlike, intellektuele (linkerbrein) én psigiese (regterbrein) vermoëns saam gebruik word om ‘n versnelde leerproses en supergeheue te verkry. Hierdie onderrigstelsel staan as suggestopedie bekend. Dit is een van die vertakkings van die groter studieveld van suggestologie waaraan hy in sy instituut werk. Joga, musiek, hipnose en verskillende aspekte van die parapsigologie is bestudeer in die ontwikkeling van hierdie nuwe tegniek. Lozanov sê dat ‘n veranderde bewussyn (oorskakeling na die regterbrein, gevolg deur ‘n bewussynsverdieping wat deur meditasie teweeggebring word), rustige breingolwe en liggaamsritmes wat deur barokmusiek, konsentrasie en ontspanningsoefeninge in die hand gewerk word, vereistes vir ‘n verbeterde geheue, selfgenesing en die ontwikkeling van ‘n persoon se intuïsie is.
    Lozanov het 20 jaar lank die sg. Raja-joga, die wetenskap van konsentrasie, beoefen. In teenstelling met die meer algemene Hatha-joga wat op liggaamlike oefeninge gebaseer is, is Raja-joga op die beheersing van die gees en verstand ingestel. Die resultaat van die volgehoue beoefening van hierdie mental joga is die ontwikkeling van siddhis – dit is spesiale vermoëns wat latent in elke persoon aanwesig is, soos ‘n fotografiese supergeheue, pynbeheer, telepatie, buitesintuiglike waarneming, visualisering, selfgenesing, ens.
    Oosterse filosofie oorspoel die Weste
    Die afgelope twee dekades is deur ‘n grootskaalse instroming van idees en gebruike uit die Oosterse mistiek na die Weste gekenmerk. ‘n Nuwe selfontdekking en ‘n mistiese selfverlossingsleer is hieruit gebore, en dit het ‘n geweldige aanslag op die tradisionele Christelike lewens- en wêreldbeskouing in die Weste gedoen. Spoedig het ‘n sintese tussen Westerse logiese denke en Oostese mistiese denke plaasgevind, m.a.w. tussen die wetenskap en die mistiek. Vir mistiese begrippe is daar net ander terme gekry om dit makliker in die Weste te kan bemark, soos bv.
    • psigiese kragte,
    • kosmiese energie,
    • kosmiese humanisme,
    • holisme,
    • holistiese genesing,
    • latente potensiaal van die mens,
    • alternatiewe bewussynstoestand,
    • buitesintuiglike waarneming,
    • intuïsie,
    • telepatie,
    • afstandswaarneming,
    • visualisering,
    • selfgenesing,
    • selfontwikkeling,
    • die god (of christus) binne-in jou,
    • jou inherente goddelike natuur, en
    • die hoër of dieper self.
    Die produk van die vermenging van Oosterse en Westerse denke is die Nuwe Era filosofie wat ten grondslag van die Nuwe Wêreldorde is. Dit is ‘n totaal nuwe lewens- en wêreldbeskouing wat daarop gerig is om vrede op aarde te bring deur alle godsdienste en politieke ideologieë binne een makrostruktuur met mekaar te assosieer en daarna te verenig. As komplementerende komponente van die kosmiese geheel mag die een nie bo die ander verhef word nie. Deur ‘n proses van sintese moet hulle saamsmelt sodat die groter geheel ongesteurd en ongebroke kan funksioneer. Die sleutelgedagte is dus dat die Ooste en Weste brûe na mekaar moet bou, sodat daar net een wêreld kan wees.
    Dit is teen hierdie agtergrond dat ons nou skielik in die Weste oplossings vir persoonlikheids- én nasionale probleme kry wat ‘n sterk mistiese inslag uit die Ooste het. Dié oplossings kom al hoe minder in Oosterse pakkette soos Transendentale Meditasie, Zen- en Soefi-meditasie, maar as die produkte van suiwer Westerse navorsing. Soos wat dr. Lozanov sy laboratoriumnavorsing oor die ontwikkeling van ‘n supergeheue met joga, meditasie, ontspanningsoefeninge en ‘n veranderde bewussynstoestand vermeng en die nuwe leermetode suggestopedie genoem het, word dieselfde resep van die implementering van Oosterse mistiese oplossings vir Westerse probleme nou deur verskeie geleerdes (veral in die VSA) gevolg.
    Sekulêre humanisme het in verskeie kringe kosmiese humanisme geword toe ‘ontdek’ is dat daar kosmiese magte tot die beskikking van die mens is, wat hom in staat stel om in sy evolusionêre ontwikkeling nuwe terreine van selfverwesenliking te betree. Meditasie is tot ‘n wetenskaplik erkende psigotegniek verhef ten einde toegang tot die kosmiese sfere van ‘n veranderde bewussynstoestand te verkry. Gedurende meditasie, wat aangehelp word deur ontspanningsoefeninge en rustige barokmusiek, word breingolwe van die aktiewe beta-vlak af na die rustige alfa-vlak verlaag. Sodoende word ‘n oorskakeling na die kreatiewe en intuïtiewe regterbrein bewerkstellig, wat die poort is na ‘n nuwe selfontdekking en selfbeeld, die aktivering van verborge psigiese kragte, die genesing van die liggaam, die inwerkingstelling van ‘n supergeheue, ens.
    Die oorskakeling na die regterbrein verleen na bewering ook toegang tot ‘n buite-sintuiglike verbindingskanaal met ‘n alternatiewe kosmiese werklikheidsbeeld waarin alles een is. Alle mense, alle godsdienste, en alle dinge word onderdele van ‘n veel groter kosmiese geheel waarin alle verskille en grense verdwyn, en volkome harmonie en eensgesindheid heers. Daar is geen negatiewe teenpool in hierdie kosmiese geheelbeeld nie. Daar is dus nie ‘n duiwel of ‘n hel, en ook nie ‘n heidendom wat teenoor die Christendom gestel kan word nie. Alles is een. Die enigste bedreiging vir hierdie holistiese werklikheidsbeskouing is mense wat nie grense wil uitwis nie, alles in kompartemente wil indeel, nasionalistiese doelwitte nastreef in plaas daarvan om wêreldburgers in die global village te word, en ook net húlle godsdiens as reg en al die ander as verkeerd beskou. Dit is om hierdie rede dat met reg beweer kan word dat ‘n holistiese regterbrein-oriëntasie wat neig om alles te verenig, uiteindelik ‘n evangeliese godsdienssin ten gunste van ‘n universalistiese, multigodsdienstige oriëntasie sal vernietig.
    Beraders en psigiese konsultante
    Die poort na ‘n verborge kragwêreld wat iewers in die onderste lae van die mens se regterbrein ‘ontdek’ is, het nie net die geleentheid vir nuwe psigo-analitiese navorsing geskep nie, maar ook vir ‘n groot aantal beraders en psigiese konsultante wat baie geld uit die aanbieding van hulle geestelike terapie maak. Sommiges noem hulleself sielkundiges, en ander werk onder die vaandel van spiritualistiese genesers (‘psychic healers’). Die volgende is enkele voorbeelde hiervan:
    How to make ESP work for you, deur Harold Sherman
    EXTRASENSORY PERCEPTION WORKS FOR YOU:
    “All of us have within us an incredible mental power that can change our lives overnight. If you are ready to explore this miraculous dimension of your mind, read this book!”
    Die skrywer sê dat in sy lesings in die VSA die meeste lede van sy gehore aandui dat hulle al ESP ondervindings gehad het. Dit is skielike, intuïtiewe ingewings om iets te doen wat dan later korrek blyk te wees, telepatiese kontak met ander mense (selfs gestorwenes), om ‘n spook of die gees van iemand te sien, of om buite jou liggaam waarnemings op ‘n vreemde plek te doen (astrale projeksie) en later te vind dat dit met die werklikheid ooreenstem.
    Harold Sherman sê dat mens nie net nou en dan hierdie buitesintuiglike ondervindings moet hê nie. Jy moet ‘n studie van jou bewussyn maak en leer hoe om hierdie potensiaal deur middel van verdere buitesintuiglike ondervindings te benut. Hy sê die mens het die volgende sewe bewussynsvlakke:
    • Jou bewussynsvlak,
    • Jou onderbewussynsvlak,
    • Jou geheuevlak,
    • Jou kreatiewe krag-vlak,
    • Jou genesende krag-vlak,
    • Jou intuïtiewe vlak, en
    • Jou kosmiese bewussynsvlak.
    Deel van die mens se inskakeling by sy dieper (of hoër) bewussynsvlakke, is die bewustelike inskakeling by ‘n Hoër mag, wat sy Kosmiese Bewussyn genoem word. Die skrywer stel dit só:
    “You must desire of your own free will to make attunement. Tragically, countless human creatures have become so involved on lower levels of their being, with the physical aspects alone, that they rarely if ever sense this Higher Power. It is on the Cosmic Consciousness level that all life experiences are reviewed by your entity, and there is magically built into your entity or soul the essence of what you have become in this life.”
    Finding your answers within, deur Dick Sutphen
    “A complete New Age manual for Healing and Enlightenment from America’s foremost Psychic Researcher” Topics covered include:
    • Past-life Regression
    • Automatic writing
    • Crystals
    • Spirit Guides
    • Mind Projection
    • Aura reading and more…
    Dick Sutphen is ‘n Nuwe Era-skrywer, en 150 000 persone ontvang sy tydskrif Master of Life. Hy verleen wetenskaplike geloofwaardigheid aan sy holistiese ideologie deur dit Metafisika te noem:
    “Metaphysics is a philosophy/science of self in relationship to the universe. As a philosophy it accepts that all things are part of a central source of intelligence and energy. Everything has an independent function and yet is dependent upon all other things, with each contributing to the source. As a science it offers awareness and techniques you can use to create your own reality.”
    Die skrywer stel dit dus duidelik dat daar ‘n groter werklikheid is waarvan alles deel is, dat daar ‘n bron van wysheid aan die hoof van hierdie metafisiese werklikheid is, en dat elke persoon die vermoë het om sy eie werklikheid te skep. Al wat nodig is, is dat hy die tegnieke hiervoor moet bemeester. Die oplossing is in homself geleë, daarom moet hy na binne keer om die antwoorde te kry.
    Die proses van selfinkering word volgens Sutphen deur meditasie of selfhipnose moontlik gemaak. Hierdeur daal ‘n persoon na die mistiese sfere van sy regterbrein af, waar dan ‘n alternatiewe bewussynstoestand ervaar en ongelooflike bronne van kreatiwiteit ontsluit word:
    “It is easier to find your answers within if you’re in an altered state of consciousness. It can be a light, eyes-open altered state, or a deep, eyes-closed level. You can call it self-hypnosis, meditation, or any other name, but they all refer to the same effect: reducing the cycle-per-second activity of your brain from the beta level to the alpha level. When you’re in alpha, you are in an altered state of consciousness. And the deeper you are in alpha, the deeper the altered state.
    “This isn’t very mystical. Research has shown that two-thirds of the time you spend watching television you are in an alpha level–an eyes-open trance. When you go to bed and begin to relax, the cycle-per-second activity of your brain slows from beta to alpha, then to theta and finally to delta, which is deep sleep.
    “This doesn’t mean that you trance out and lose awareness of what happens in an altered state. Your conscious mind remains involved, but as you relax into an alpha range your attention span narrows to focus on just one thing, and the filters that normally block access to subconscious memories and superconscious awareness are temporarily removed. Once you learn to receive and trust in alpha, the adventure really begins.”
    Liefde en harmonie
    Die rede waarom daar so baie naïewe ‘Christene’ is wat niks verkeerd met die Nuwe Era Beweging en sy doelstellings sien nie, is omdat die duiwel homself binne dié beweging as ‘n engel van die lig verskans en gedurig net die beginsels van eenheid en liefde beklemtoon. Dit word egter op ‘n totaal onchristelike wyse gedoen, soos uit die volgende stellings van Sutphen blyk:
    “Learning to receive your answers within really begins with understanding our reason for being here on earth at this time. First, we all have our individual karma to resolve and dharma to fulfill. Karma is the Law of Cause and Effect. Classically, it is best expressed, ‘As you sow, so shall you reap.’ The effect of positive or negative deeds is balanced over a sequential series of lifetimes, resulting in perfect justice. Dharma is your duty to yourselve and to society. Karma conditions you, through your experiences, to create the character required to fulfil your dharma.
    “Second, we all share the same ultimate purpose to learn to let go of fear and to express unconditional love. To resolve our karma, we must let go of all the fear-based emotions: anger, selfishness, jealousy, hate, greed, possessiveness, guilt, envy, anxiety, insecurity, inhibitions, egotism, malice, blame, resentment, repression. It is these fears that keep us earthbound, returning lifetime after lifetime…
    “All too often we forget to apply the non-judgmental attitude of unconditional love to ourselves. We all have two selves: an ego-self, which is constantly thinking and judging, and a natural-self, which is quiet and accepting. Harmony can exist between these two selves only when your mind is quiet – only then can you attain peak performance levels in whatever you do… In Zen, this is called muga, which means an attitude of action in which you do not feel that ‘I am doing it.’ You cease to calculate on winning or losing. You simply do your best, responding to an inner direction that carries you effortlessly through the experience.”
    Geestelike gidse
    Sutphen maak baie van geestelike gidse wat die mens op sy lewensweg begelei en hom help om die regte besluite te neem. Deur sy buitesintuiglike vermoëns kan ‘n persoon met hulle kontak maak en intens van hulle teenwoordigheid bewus wees:
    “Some metaphysicians call a primary guide a ‘lifetime guide.’ Those leaning towards Christian beliefs often perceive their unseen companions as ‘guardian angels.’ A question I’m often asked is, ‘Can you have more than one guide?’ The answer appears to be yes, but you will have only one primary guide…
    “Most metaphysicians, myself included, have found that an extremely high percentage of spirit guides are American Indians, Hindus, Egyptians, or Chinese. I have no explanation for this other than that these races seem to personify wisdom…
    “In some cases, guides seem to prefer to appear as a light or illuminated energy. The light is usually white or blue, and often looks like it is moving. I usually think of deep blue or purple lights as indicating contact with a Master rather than with spirit guides. A Master is a very highly evolved spirit that would be drawn to you to assist you in attaining spiritual awareness or to assist you in metaphysical service. You have heard the statement, ‘When the student is ready, the Master will appear.’ A Master has the ability to work with thousands of students, and comes and goes in your life, or works with you at night when you are asleep and out of body. Jesus and Buddha are Masters, but there are many others.”
    In die holistiese Nuwe Era-godsdiens is daar baie Meesters, waaronder ook ‘n Jesus. Hierdie Jesus wat deur meditasie met jou praat en nie deur sy Woord nie, is een van die ander Jesusse waarteen Paulus ons in 2 Korinthiërs 11:2-3 waarsku.
    Skielike ingewings en telepatiese kommunikasie vind tydens meditasie met ‘n geestelike gids plaas:
    “Instantaneous thought transference, or ‘thought language,’ is the primary way to receive information during meditation and to communicate with your guides… Using thought language in meditation is a matter of silently, subjectively sending out a thought, then listening for an internal answer which may be perceived as another thought, a feeling, or a fantasy-like visualization. Don’t expect the voice of God to literally speak in your ear; instead, be alert for gentle intuitive feelings, ideas, and awareness. These may very well be directed from your own guides, Masters, or those whom you seek to contact… If an unseen voice uses bad language or tells you exactly what to do, immediately cease communication. Highly evolved souls won’t command you… Always be aware that you are in control in a meditation. If you feel uncomfortable in any way, just count yourself up from one to five, and say, ‘Wide awake!’”
    Die meditasietegniek
    Aan die einde van sy boek beskryf Dick Sutphen die tegniek van meditasie in detail. Asemhalingsoefeninge van twee tot vyf minute word deur omslagtige suggesties van ontspanning gevolg, wat van die persoon se voete af tot by sy kop strek en elke ledemaat op ontspanning ‘instem.’
    Hierna word daar op ‘n reënboogkleurige lig gekonsentreer wat van bo af deur die persoon se kop inskyn, sy liggaam en gees verlig en rondom sy hart konsentreer. Dit word die Universele Lig, Lewensenergie of die Lig van God genoem. Die mediteerder skep self hierdie lig deur die onbeperkte krag van sy gees.
    Die ervaring van verdieping moet baie sterk beleef word. Die persoon moet visualiseer dat hy afdaal terwyl hy stadig van sewe af tot by een terugtel.
    Ná die meditasie-oefening kan die persoon na die werklikheid terugkeer deur tot by vyf te tel. Hy sal wawyd wakker wees en ‘n volle beta-bewussyn hê. Sy verstand sal helder wees, hy sal selfversekerd optree en bly wees dat hy lewe. Hy sal vrede met homself hê, met die wêreld en met almal wat daarin is. Volkome kosmiese harmonie sal sy gemoed oorheers, en geen konflikterende gedagtes bedink word nie.
    The right-brain experience, deur Marilee Zdenek
    An intimate programme to free the powers of your imagination.
    Hierdie skryfster, wat ‘n lid van ‘n familie van mediese dokters in Kalifornië is, het alles moontlik gedoen om die wetenskaplike geloofwaardigheid van haar bevindinge bo verdenking te stel. Sy het dan ook verskeie dokters en sielkundiges gekry wat haar boek sterk aanbeveel. Een van hulle is Victor Hogen jr., assistent kliniese professor in Neurologie by die Harbor-UCLA Mediese Sentrum. Die voorwoord is deur Klaus Hoppe, medeprofessor in kliniese psigiatrie aan die Universiteit van Kalifornië in Los Angeles geskryf. Hierin erken hy uit die staanspoor egter die antieke mistiese inslag van dié studierigting, en by implikasie die onwetenskaplikheid daarvan. Hy sê:
    “The neurophysical findings of Roger Sperry, Joseph Bogen and Michael Gazzaniga revealed that each hemisphere of the brain processes information differently and has its own areas of specialization. These findings stimulated an abundance of experimental and clinical research.
    “Surgically splitting the connection between the two cerebral hemispheres made it possible to observe each side of the brain separately. It was demonstrated that the left hemisphere specializes in verbal, logical and linear thinking and cannot see the woods for the trees, so to speak, while the right hemisphere specializes in holistic, visual and spatial perception and senses the whole forest…
    “Marilee Zdenek has transformed these scientific findings into a language full of intuition and poetry…The six days of her workshop of The Right-Brain Experience amalgamated ancient forms of meditation with modern techniques of relaxation and imagery. She draws from the insights of Freud, Jung, Winnecott, and some modern ego-psychologists such as Erik Erikson.”
    Uit die staanspoor reeds blyk ‘n sinkretistiese vermenging tussen wetenskap en die mistiek baie duidelik, en behoort evangeliese Christene die regterbrein-teorie met groot skeptisisme en agterdog te bejeën.
    Die skryfster, Marilee, verwys self na Roger Sperry se waarskuwing teen veralgemenings, asook na die feit dat die mediese navorsing oor die menslike brein maar stadig vorder. Sy erken dat haar kreatiwiteitsoefeninge los van die mediese en neurologiese wetenskap as sodanig staan:
    “In his Nobel lecture, Dr. Roger Sperry said, ‘The more we learn, the more complex becomes the picture for predictions regarding any one individual and the more it seems to reinforce the conclusion that the kind of unique individuality in our brain networks makes that of fingerprints or facial feutures appear gross and simple by comparison.’
    “Medical research moves slowly… Whatever future discoveries advance neurological thinking, the exercises in this book stand independent of the medical framework and enable people, with or without scientific backgrounds, to expand their creativity.”
    Godinne, engele en drake
    Die onwetenskaplikheid en onbybelsheid van Marilee se boek blyk uit die eerste aantal bladsye reeds baie duidelik. Soos wat Dick Suthpen van die Nuwe Era Beweging in ‘n veranderde bewussynstoestand by Meesters van wysheid, geestelike gidse, goeie en slegte geeste uitkom, kom Marilee Zdenek by godinne en drake uit:
    “Through the use of these exercises, you can learn to move easily into a state of hightened consciousness; you can be the one to determine when and how you enter periods of intensified creative power.
    “The right side of the brain is not only the territory of angels and the Muse but of dragons as well. In this mysterious region of the mind, you risk stirring the dragons that guard the place where your Muse dwells. So, a word of warning is only fair.
    “Dragons sometimes breathe fire and can be dangerous if they catch us when our defenses are down. There are times when none of us should try to enter the territory of the unconscious. I would not recommend that you begin these exercises if you are feeling too emotionally vulnerable to deal with intense feelings. And of course, there are some people who should never try to stir the unconscious mind without the help of a therapist…
    “Beware of anyone who tells you that there is only one way to do anything. There are people who have been using right-brain techniques for years, never even knowing the term, never using the type of exercises suggested here. That’s because they found other ways to enter the creative hemisphere of the brain. They have unconsciously developed their own chisel and hammer to break away the external edifice of repressive responses that all of us learned during years of ‘left brain schooling’…
    “Many people have had the experience of an intensified creative period with the accompanying feeling of ecstasy… Novelists, and poets especially, often credit this experience to the Muse. The Muse is that mythical creature who lives somewhere in the heavens, who either comes bearing brilliant insights and exquisite metaphors – or else sits taunting out of reach.
    “So much for delusions. The Muse lives within. She inspires not only writers, but painters and scientists, homemakers and business executives… She lounges in the right hemisphere of the brain – probably appalled by all of the hardened accumulation of ‘training’ that prevents us from setting her free. The Muse is your friend. This book gives you access to her company.”
    Die Muse is volgens die Griekse mitologie enigeen van die nege godinne van die kunste en die wetenskappe. Hulle is die dogters van Zeus en inspireer digters, skrywers en wetenskaplikes tot kreatiwiteit.
    Onbeskaamde sinkretisme
    Die vermenging van rasionele Westerse denke en mistiese idees uit die heidenwêreld word doelbewus en sonder apologie in die boek beoefen. Nêrens word na Christelike beginsels of praktyke verwys nie. Trouens, dit is lynreg in stryd daarmee. Die skryfster verduidelik die oorsprong van haar mengelmoes van idees só:
    “You may be familiar with some of the techniques in this program. Many of them have their origin in various forms of meditation, biofeedback, psychiatry, psychology, and related fields. What is unique in The Right-Brain Experience is the synthesis of the various techniques. These exercises draw from the most valuable tools of each discipline. From meditation, you will become familiar with aids for relaxation and concentration that encourage spontaneity and intuition… You will learn how to make your dreams work for you in concrete ways, as you employ techniques from the psychiatrists as well as from the enlightened tribe of aborigines in the Malay Peninsula. Experts in a wide variety of fields have developed ideas that I have gathered like rare gems from the far corners of the earth to use for my own purposes.”
    Geleide visualisasie vir selfgenesing en selfverlossing
    ‘n Selfverlossingsleer vir die oplossing van probleme word só verduidelik:
    “Take one of those smooth, relaxing breaths that start deep in the center of your being and is drawn into your lungs and then blown slowly through your lips into the air. Once again… And one more time.
    “Imagine that you are on an island in the South Pacific on a beach where the sand is fine and white and clean. The ocean is warm and gentle in the cove where you have come to spend part of this day. Listen to the easy rythm of the waves. This is a calm and private place; the silence is broken only by ocean sounds. You are safe here. It is a place of peace and of healing. Lie down in the sand and enjoy the feeling of deep relaxation. Enjoy the softness of the sand that is dry and molded around your body. Be conscious of the warmth of the air and the sand pressing against your body, from the heels of your feet that press into the powdery softness of the sand through all parts of your body to the very top of your head.
    “Is there someting in your life you would like to get rid of? A physical pain or illness? An emotion that is destructive? An anxiety that disturbs you? Using the first image that comes to your mind, give the thing you want to be rid of, some physical shape. It could be round like a ball… square like a steel cabinet… linear like a piece of string. Can you see the shape of this thing? Feel the weight of it… Notice the colour… What is the texture? Does it have odor?
    “Take this thing and put it in your right hand or your left hand… Place this thing about a foot away from you on the sand… Dig a hole in the sand and drop it or push it into the hole… Using your hands, push the sand into the hole. Then use your arms and scoop the sand around and cover the thing, filling the hole until it exists no more and the surface of the area is flat. Now smooth the sand until even the traces of your fingertips disappear… Now stand up and move away from the burial place and turn your back on it… The thing that used to be a part of you is part of you no more…”
    Verskeie mense wat dié tegniek van visualisering en selfverlossing gebruik het, getuig van die sukses daarvan. Hulle is óf die slagoffers van selfmisleiding óf daar is ‘n okkultiese mag wat (teen ‘n prys wat eers later bereken sal word) genesing aan hulle skenk. ‘n Voorbeeld van só ‘n selfverlossingsondervinding is die volgende:
    “A woman who feared speaking in public was preparing to do so several days after one of my workshops. When she buried her speaking anxiety – which was shaped like a round steel ball with sharp protrusions around its surface (which reminded me of a medieval weapon) – it was so powerful it exploded from the hole! She grabbed it and stabbed it with a weapon that pierced the steel, and the anxiety deflated as easily as a rubber ball. Then she dropped it into the hole and watched it flop around like a dying fish. When the thing finally died, she covered the hole and walked away from it.
    “Later, she told me her speech was well received. More important perhaps was the fact that she gained some ability to separate herself from the intensity of her fears.”
    Op dié trant gaan die boek voort met ondervindings van selfhipnose, astrale reise, gesprekke met mistiese figure wat deur ‘n persoon se regterbrein geskep word om hom te help om homself beter te kan verstaan, bio-terugvoering, die herprogrammering van ‘n persoon se onderbewussyn om negatiewe patrone daaruit weg te neem en dit met positiewe patrone te vervang, asook die rol van engele, drake, drome en fantasieë op die reis na groter selfverwesenliking in die lewe.
    Van Jesus Christus en sy genadewerk deur die bloed van die kruis, van die gawes van die Heilige Gees en sy bekragtiging, asook van die liefde en wysheid wat die Vader aan sy kinders skenk, word daar om begryplike redes in ‘n boek van hierdie aard niks gesê nie. Dit sou lynreg in teenstelling met die skryfster se uitgangspunt wees, omdat die mens nie aangemoedig word om na ‘n God buite homself te soek nie. In plaas daarvan moet hy na die verborge dieptes van sy regterbrein afdaal en in ‘n mistiese wêreld van drake, engele, en godinne die skeppingskrag van sy eie gees inspan om sy probleme op te los.
    Regterbrein-Christene in die kerk
    Ds. Nickey Grobler, vroeër van Radiokansel, het in Die Voorligter van Augustus 1993 ‘n artikel geskryf onder die opskrif: Kerk het regterbrein-Christene nodig. Hierin het hy onder meer gesê:
    “Ek glo die tyd het aangebreek dat ons nuut en skeppend moet dink oor die kerk se taak in die wêreld… Dit pas nie by ons om op ‘n goedkoop manier kreatiewe denke af te maak as ‘New Age’ nie… Laat mense met linker- en regterbreinvoorkeure hande vat en vorentoe beweeg – die jaar 2000 tegemoet.”
    Holisties
    In ‘n skets by die artikel word die regterbrein onder meer as intuïtief en holisties beskryf. Ds. Grobler verduidelik nie hierdie begrippe nie en doen geen moeite om moontlike verwarring met antichristelike Nuwe Era-begrippe te voorkom nie. Omdat hy nie sê wat hy met holisties bedoel nie, sal mens maar ‘n verklarende woordeboek moet raadpleeg. In die Verklarende Handwoordeboek van die Afrikaanse Taal (HAT) word gesê:
    “Holisme. Filosofiese standpunt wat berus op die beginsel dat die geheel meer as die som van die dele is… – ‘n teorie wat uitgewerk is deur J.C. Smuts en waarin die klem gelê word op sintese en skeppende invloede binne die geheel.”
    In een van die mees wyd gelese boeke oor die Nuwe Era Beweging, The Aquarian Conspiracy – personal and social transformation in the 1980′s deur Marilyn Ferguson, word na genl. Smuts as een van die baanbrekers in die vestiging van Nuwe Era-denke verwys. In sy boek Holism and Evolution word beweer dat daar ‘n ordenende beginsel in die heelal is waarvolgens alles deur evolusionêre ontwikkeling in groter eenhede opgaan.
    Indien ds. Grobler nie hierdie konnotasie aan holisme koppel nie, dan moes hy ten minste ‘n alternatiewe begripsbeskrywing daarvoor aangebied het, om verwarring met die Nuwe Era Beweging en sy monistiese (‘alles is een’) verklaring van ‘n kosmiese geheelbeeld te voorkom. Laasgenoemde is tog totaal antichristelik!
    Daar is ook ander begrippe wat in die lig van die voorgaande interpretasie en toepassing van regterbrein-denke dringend in ‘n artikel oor Christelike waardes opgeklaar sal moet word, soos die volgende:
    Intuïsie, flitsende insigte en visioene
    In ‘n ondersteunende uiteensetting by ds. Grobler se artikel word onder meer deur Nicolin Hoffmann gesê:
    “Die intuïtiewe (regterbrein) sal maklik opgaan in meditasie en die inwerking van die Heilige Gees (of intuïsie)… Intuïtiewe denke en flitse van skielike insig (of visioene) is as minderwaardig of selfs bonatuurlik beskou. Vandag weet ons egter dat dit ook funksies van die regterbrein… is.”
    Bybelse beoordeling
    Meditasie, as ‘n vorm van aandagsvernouing en die uitskakeling van aktiewe logiese denke ten einde na die meer kreatiewe regterbrein oor te skakel, word nêrens in die Bybel as ‘n opdrag aan ons gegee nie. Die Bybel be-veel ook nie aan dat linker- en regterbrein-Christene moet saamkom om oplossings vir die probleme van die toekoms uit te werk nie. Daar bestaan net eenvoudig nie so-iets nie! Wat daar wél is, is Christene met verskilende gawes van die Heilige Gees. Hulle moet saamkom om planne te maak en aksies te loods:
    “Namate elkeen ‘n genadegawe ontvang het, moet julle mekaar daarmee dien soos goeie bedienaars van die veelvuldige genade van God” (1 Pet. 4:10).
    Waar daar wél van twee groepe Christene sprake is, is in 1 Korinthiërs 3:1-3 waar daar van geestelike en van vleeslike Christene gepraat word. Die oplossing vir die vleeslike Christene is nie ‘n oorskakeling na die regterbrein deur middel van meditasie nie, maar vervulling met die Heilige Gees. U noem nie sulke begrippe nie en haal nie een teks uit die Bybel aan nie.
    Visioene en flitse van skielike insig is ook nie sonder meer die wyse waarop Christene leiding ontvang oor hoe hulle moet optree nie. Ons moet onderskei tussen die geeste en ook elke gedagte gevange neem tot gehoorsaamheid aan Christus (2 Kor. 10:5).
    In die Christen se gebede moet hy by sy volle positiewe wees (nie in ‘n meditatiewe toestand van beswyming nie). Jy moet deur jou gees en deur jou verstand bid (Joh. 4:24; 1 Kor. 14:15). Die Here gee jou deur sy Gees verligte oë van die verstand om onderskeidingsvermoë te hê, sy wil te kan ken en in ooreenstemming daarmee te bid. Waarom dan met behulp van jou regterbrein mediteer?
    Vroeër in hierdie artikel is aangedui hoedat duisende mense met regterbrein-teorieë mislei en deur hierdie geestelike dwaling van die Here af weggetrek word. Dit is “mense wat verduisterd is in die verstand en vervreemd van die lewe van God deur die onkunde wat in hulle is vanweë die verharding van hulle hart” (Ef. 4:18). Die god van hierdie wêreld (die duiwel) het hulle sinne verblind sodat die heerlikheid van Christus, wat die beeld van God is, nie op hulle sou skyn nie (2 Kor. 4:4).
    Ons moet dit dus eerder vir ons ten doel stel om mistiese regterbrein-leringe te weerstaan en mense daarteen te waarsku, of dit nou suggestopedie, Nuwe Era-krisisberading of meditasie is, sodat die volk van God op sy hoede vir dwalinge kan wees.
    Verwysings
    Sherman, Harold, 1964: How to make ESP work for you. Fawcett Crest, New York.
    Sutphen, Dick, 1989: Finding your answers within. Pocket Books, New York.
    Zdenek, Marilee, 1983: The right-brain experience. Corgi Londen.

    • Beste Concern, baie dankie dat jy hier kom lees het, en vir jou interessante kommentaar. Ek het ook ‘n skrywe van Prof. Malan op die internet gelees. Ongelukkig het ek regtig nie nou tyd om jou kommentaar behoorlik te lees en daarop te reageer nie. Ek minag jou kommentaar regtig nie. Ek sal dit in November maand of effens later intensief kom lees, en sal sommer in ‘n nuwe inskrywing reageer. Hoop jy sal dit dan nog kan kom lees. Jammer dat ek so lank weg was en my blog so onaktief, maar ek sien jy het jou kommentaar maar onlangs gegee.

  58. I constantly emailed this weblog post page to all my associates, for the reason
    that if like to read it afterward my contacts will too.

  59. Die breinhemisferiese bespreking hierbo (skynbaar vir jare al) laat my dink aan die plat-, ronde aarde argumente van toeka se tyd. Bewaar jou siel as jy dit oorweeg het (op grond van gesonde verstand en beskikbare inligting in 1213) dat die aarde nie plat is nie. Die regterbrein idee het vir talle mense ongelukkig laat terugbeweeg na plat aarde denke toe. Die punt is eintlik dat die brein (raadpleeg navorsing van akademiese aard soos neurowetenskappe, of slaan na op ‘n webtuistes soos Google Scholar oor die meer onlangse bevindinge oor hemisferiteit) ‘n komplekse interaktiewe, en interafhanklike stelsel is met meer veranderlikes wat daarop inwerk as sandkorrels in die Sahara woestyn. Cheers en beste wense.

  60. You are my inspiration , I have few web logs and very sporadically run out from to brand. ecdkcecdbdbe

Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out / Change )

Twitter picture

Jy lewer kommentaar met jou rekening by Twitter. Log Out / Change )

Facebook photo

Jy lewer kommentaar met jou rekening by Facebook. Log Out / Change )

Google+ photo

Jy lewer kommentaar met jou rekening by Google+. Log Out / Change )

Connecting to %s

Follow

Get every new post delivered to your Inbox.

%d bloggers like this: